ޕާކިސްތާނުގެ ނުސާފުވެފައިވާ ޖައްވު ސާފުކުރުމަށް މަސްނުޢީ ވާރޭ ވެއްސައިފި
ނުރައްކާވާ މިންވަރަށް ޖައްވު ނުސާފުވުމުން ޖައްވު ސާފު ކުރުމަށް ޕާކިސްތާނުގެ ބައެއް ސަރަހައްދުތަަކަށް މަސްނުޢީ ވާރޭ ވެއްސައިފިއެވެ.
ޕާކިސްތާނުގެ އެންމެ ބައިބޯ ސަރަހައްދު ކަމަށްވާ ލާހޯރްގައި ޖައްވު ނުސާފުވެ ދިމާވެފައިވާ މައްސަލަ އަށް ހައްލު ހޯދުމަށް ޕާކިސްތާން
ސަރުކާރުން އެޅި މި ފިޔަވަޅަކީ ވަރަށް މުހިންމު ފިޔަވަޅެއް ކަމަށް ކަމާއި ބެހޭ މާހިރުން ވަނީ ބުނެފައެވެ.
ލާހޯރުގެ ވައި ފާއިތުވި ދެތިން ހަފްތާގެ ތެރޭގައި ވަނީ ވަރަށް ބޮޑަށް ނުސާފުވެފައެވެ. އަދި އެކަމުގެ ސަބަބުން ވިޔަފާރިތަކާއި ސްކޫލް ކޮލެޖްތައް ވަނީ ބަންދުކުރަން ޖެހިފައެވެ.
ޕާކިސްތާނުގެ ޖައްވު ނުސާފުވެ ދިމާވެފައިވާ އުނދަގޫ ހާލަތުން އަރައިގަތުމަށް އެހީތެރިކަން ފޯރުކޮށްދެނީ ޔުނައިޓެޑް ޢަރަބި އެމިރޭޓްސް އިންނެވެ.
ޖޯގްރަފީ ގޮތުން ޔޫއޭއީ އުފެދިފައި އޮންނަ ގޮތުން ޖައްވުގެ ވައި ނުސާފުވުމުގެ އުނދަގޫ އެޤައުމުން ދޭތެރެ ދޭތެރެއިން އުފުލަން ޖެހެއެވެ.
މިފަދަ ޙާލަތްތަކުގައި ޔޫއޭއީއިން އެކި ޒާތުގެ ކެމިކަލް ބޭނުން ކޮށްގެން މަސްނުޢީ ވާރޭ ވެއްސައެވެ.
މިކަމަކީ އެކަމުގެ ސަބަބުން ޢާންމުންގެ ސިއްހަތަށް އެކަމުގެ ގެއްލުމެއް ވާނެ ފަދަ ކަމެއް ނޫން ކަމަށާއި ދުނިޔޭގެ ކުރިއަރަފައިވާ ބޮޑެތި ޤައުމުތަކުން ވެސް މި ޓެކްނޮލޮޖީގެ ބޭނުންކޮށްގެން މަސްނުޢީ ވާރޭ ވެއްސާ ކަމަށް ޕާކިސްތާނުގެ ސަރުކާރުން ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
