އިންސާނީ ޙައްޤޭ ކިޔައިގެން ހުޅަނގުން ވާހަކަ ދައްކަނީ ވަކި ބަޔަކަށްޓަކާ: ޝައިޚް ފިކްރީ
އިންސާނީ ހައްޤުތަކޭ ބުނެ ހުޅަނގުގެ ޤައުމުތަކުން ވާހަކަދައްކަނީ ވަކި ބައެއްގެ ހައްޤުތައް ކަށަވަރުކުރުމަށް ޓަކައި ރާއްޖޭގެ ދީނީ ޢިލްމުވެރިޔާ އައްޝައިޚް ހަސަން މޫސާ ފިކުރީ ވިދާޅުވެއްޖެއެވެ.
ޝައިޚް ފިކްރީ މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ޝައިޚް ވިދާޅުވީ ފަލަސްޠީނުގެ ހޮސްޕިޓަލްތަކާއި ބޮންއަޅައި މަޢުޞޫމު އެތައް ބައެއް ޝަހީދުކޮށްލުމަކީ ހަނގުރާމައެއް ނޫން ކަމަށާއި، މިއީ ނަސްލު ނައްތައިލުމަށް، އިންސާނިއްޔަތާ ޚިލާފަށް ހިންގާ ޖަރީމާއެއް ކަމަށެވެ.
"އިންސާނީ ޙައްޤޭ، އަންހެނުންގެ ޙައްޤޭ، ކުޑަކުދިންގެ ޙައްޤޭ ކިޔައިގެން އދ އާއި ހުޅަނގުގެ ޤައުމުތަކުން ދައްކާ ދޮގު ވާހަކަތަކަކީ ވަކި ބައެއްގެ ޙައްޤުތަކެއް ކަށަވަރުކުރަން އެބައިމީހުން ހިންގާ ޕުރޮޕެގެންޑާއެއްކަން އަނެއްކާވެސް އެނގި ކަށަވަރުވެއްޖެ" ޝައިޚް ފިކްރީ ވިދާޅުވެފައިވެއެވެ.
އިޒްރާލްގެ ޔަހޫދީންގެ ވަނީ ޣައްޒާގެ އަލް އަހްލީ ހޮސްޕިޓަލަށް ދިން ހަމަލާގެ ސަބަބުން 900 އަށް ވުރެ ގިނަ މީހުންވަނީ ޝަހީދުވެފައެވެ. އަދި އެތައް ބަޔަކު ވަނީ ޒަޚަމްވެފައެވެ. އިޒްރާއިލާއި އެޤައުމާއި ގުޅި އެބައިމީހުންގެ ޢަމަލުތަކަށް ހިތްވަރުދެމުންދާ ޤައުމުތަކުން ވަނީ އަލްއަހްލީ ހޮސްޕިޓަލަށް ދިން ހަމަލާއަކީ ފަލަސްޠީނުގެ ހަނގުރާމަވެރި ޖަމާޢަތްތަކުން ދިން ހަމަލާއެއް ކަމަށް ބުނެ އޮޅުވައިލަން މަސައްކަތް ކޮށްފައެވެ.
ނަމަވެސް އަލްއަހްލީ އަށް ދިން ހަމަލާއަށް ފަހު ނަތަންޔާހޫގެ ސޯޝަލް މީޑީއާ އެޑްވައިޒަރ ވަނީ ހަމަލާދިންތާ ކުޑަ ވަގުތުކޮޅެއްގެ ތެރޭގައި އިޒްރާއިލުން ޓެރަރިސްޓް ބޭސް އަކަށް ހަމަލާދިން ކަމަށް ބުނެ ޓްވިޓް ކޮށްފައެވެ. ނަމަވެސް ހަމަ ކުޑަވަގުތު ކޮޅެއްގެ ތެރޭގައި އެ ޓްވީޓްވަނީ ޑިލީޓް ކޮށްލައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
