އީއެން ހޭންޑްބޯލް ޓީމު ބަލިކޮށް، އެންޖީ ސްޓާޓިން އިން މުހިންމު މޮޅެއް ހޯދައިފި
ކ. ކާށިދޫގައި މިހާރު ފޯރިއާއެކު ކުރިއަށްދާ "ކާށިދޫ ޔޫތް ޓްރޮފީ 2026" ވިމެންސް ހޭންޑްބޯލް މުބާރާތުގައި މިއަދު ކުޅުނު މެޗު އެންޖީ ސްޓާޓިން ޓީމުން ކާމިޔާބުކޮށްފިއެވެ.
މި މުބާރާތުގެ ފަސްވަނަ މެޗުގައި މިއަދު ހަވީރު އެންޖީ ސްޓާޓިން ބައްދަލުކުރީ އީއެން ހޭންޑްބޯލް ޓީމާއެވެ. ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މި މެޗު އެންޖީ ސްޓާޓިން އިން ކާމިޔާބުކުރީ 3-9 ގެ ނަތީޖާއަކުންނެވެ.
މި މެޗުގައި މޮޅު ކުޅުމެއް ދައްކައި، މެޗުގެ "ކުއީން އޮފް ދަ މެޗު"ގެ މަގާމު ހޯދީ އެންޖީ ސްޓާޓިން ޓީމުގެ ޖާޒީ ނަންބަރު 11 މައީޝާ މުޖުތަބާއެވެ. އޭނާ ވަނީ މި މެޗުގައި ޓީމަށް މޮޅު ހޯދައިދިނުމުގައި މުހިންމު ދައުރެއް އަދާކޮށްފައެވެ.
ކާށިދޫގެ ޒުވާނުންގެ މެދުގައި އެކުވެރިކަން އާލާކޮށް، ކުޅިވަރުގެ ރޫހު އާލާކުރުމުގެ މަގުސަދުގައި ކުރިއަށްގެންދާ މި މުބާރާތުގައި ކުރިއަށް އޮތް ދުވަސްތަކުގައިވެސް ފޯރިގަދަ މެޗުތަކެއް ކުޅުމަށް ވަނީ ހަމަޖެހިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
