އިބްރާހީމް މުޙައްމަދު ސާލިހާއި ނަރެންދުރަ މޯދީ
އިބްރާހީމް މުޙައްމަދު ސާލިހާއި ނަރެންދުރަ މޯދީ
ރިޕޯޓް 13 Apr 2024 | 16:19

ކިހިނެތް މިސްރާބު ހަމަ މަގަށް އަޅުވާނީ؟

ރައްޔިތުންގެ މަޖިލީހުގެ އިންތިޚާބުގެ ކެމްޕެއިން ރަސްމީކޮށް ފެށްޓުމަށް މައި އިދިކޮޅު ޕާޓީ އެމްޑީޕީން މިދިޔަ ފެބްރުއަރީ މަހުގެ 26 ވަނަ ދުވަހުގެ ރޭ ބޭއްވި ޖަލްސާގައި ކުރީގެ ރައީސް އިބްރާހީމް މުހައްމަދު ސާލިހް ވަރުގަދަ ދެތިން ބަސްފުޅެއް ވިދާޅުވިއެވެ.

ވިދާޅުވީ ބަލަންތިބެވޭކަށެއް ނެތެވެ. މިސްރާބު ކަސިޔާރުވެ ހަމަމަގުން ނައްޓާލައިފިއެވެ. ދޮގުހަދައި އޮޅުވައިލައިފިއެވެ. ދެން ސާލިހް އާ ރައީސް ޑޮކްޓަރ މުޙައްމަދު މުއިއްޒު ސިފަ ކުރެއްވީ ބޯހަރު ގޮތް ދޫނުކުރައްވާ ބޭފުޅެއްގެ ގޮތުގައެވެ. އޭގެފަހުގައި އެމްޑީޕީގެ މިހާރުގެ ރައީސް ޝާހިދު ވިދާޅުވީ ޑޮކްޓަރ މުއިއްޒު ވެރިކަމަށް ވަޑައިގެންނެވީ ދޮގުދޮލަނގެއް ވިއްކައިގެން ކަމަށެވެ.

އެކަމަކު ސާލިހްގެ މިއިލްޒާމުގެ ފަހަތުގައިވާ ހަގީގަތަކީ ނުވަތަ ސަބަބަކީ ކޮބައިހެއްޔެވެ. އެމްޑީޕީގެ އިންތިޚާބީ ތީމު ބިނާކޮށްފައި އޮތީ އެވާހަކަ ފުޅަށެވެ. މިސްރާބު ހަމަމަގަށް އެޅުވުމެވެ. ސާލިހް އެވިދާޅުވާ ކަސިޔާރުވި މިސްރާބަކީ ކޮބައިހެއްޔެވެ. ބޯހަރުކަމާއި ގޮތް ދޫނުކުރުން އަދި ދޮގުދޮލަނގޭ އެވިދާޅުވަނީ ކޮން ކަމަކަށްތޯއެވެ.

ދޮގުދޮލަގާއި ބޯހަރުކަމުގެ އިލްޒާމު

ރައީސް ޑޮކްޓަރ މުޙައްމަދު މުއިއްޒު ވެރިކަމާއި ހަވާލުވެވަޑައިގެން ވޭތުވެދިޔަ ފަސް މަސް ދުވަހުގެތެރޭގައި ހިނގާފައިވާ ކަންކަމަށް ތަހްގީގީ ނަޒަރަކުން ބަލައިފިނަމަ ސާލިހާއި ޝާހިދުގެ އިލްޒާމު ގޮސް ހުއްޓެނީ ދެ ކަމަކަށެވެ.

އެއްކަމަކީ ޚާރިޖީ ސިޔާސަތަށް ގެނައި ބަދަލެވެ. ސާލިހްގެ ސަރުކާރުން އަވަށްޓެރި އިންޑިއާއަށް ދިވެހިރާއްޖެ ބަރޯސާކޮށްފައި އޮތް އޮތުން ނިމުމަކަށް ގެނައުމަށް އަޅަންފެށި ފިޔަވަޅުތަކެވެ. ބޯހަރުކަމަކީ އެމްޑީޕީން އެހާވަރަށް ދެކޮޅު ހަދައި އަދި އިންޑިއާއިން ރާއްޖެއަށް ދީފައި އޮންނަ ފްރީކޯޓާ ބަންދުކޮށް ރާއްޖެ ބޮއިކޮޓްކުރަން ގޮވައި ފިއްތަމުންދާއިރުވެސް ރައީސް މުއިއްޒު އާ ޚާރިޖީސިޔާތާއިގެން ކުރިއަށް ވަޑައިގެންނެވުމެވެ.

ދޮގުދޮލަނގަކީ ރާއްޖޭގައި އިންޑިއާ ސިފައިން ތިބިކަމަށާއި ޗާގޯސްގެ މައްސަލާގައި ރާއްޖޭގެ ސަރަހައްދުން ބައެއް ދޫކޮށްލާފައިވާކަމަށް އިންތިޚާބުގެތެރޭގައި މުއިއްޒު ދެއްކެވި ވާހަކަފުޅުތައް ކަން އެގެއެވެ.

އިންޑިއާ ސިފައިންތޯއެވެ. ދިވެހިރާއްޖޭގައި އެކި ސަރަހައްދުތަކުގައި އެމްޑީޕީގެ ސަރުކާރުން އިންޑިއާ ސިފައިން ބައިތިއްބާފައިވާ ކަމީ އެއްވެސް ޝައްކެތް އެކަމުގައި އޮތް ކަމަކަށް މިހާރަކު ނުވެއެވެ.

ރައީސް ސޯލިހާއި, ޝާހިދު ކިތަންމެ ވަރަކަށް އެކަން ދޮގުކުރެއްވިޔަސް އިންޑިއާ ސަރުކާރުން އެއީ ތެދެއްކަމަށް އެބަ ހާމަކުރެއެވެ. އެގައުމުގެ މީޑިއާތަކުންވެސް އެކަމަށް އިއުތިރާފްވެއެވެ. ރާއްޖޭގައި ތިބި އިންޑިއާގެ 70 ނުވަތަ 80 ސިފައިން ބޭލުމަށްޓަކައި ދެގައުމުން މަޝްވަރަށްކޮށް އެއްބަސްވުންތައްވެ އިންޑިއާ ސިފައިންގެ ފުރަތަމަ ކޮންޓިންޖެންޓް ރޯމާދުވާލު އެންމެންގެ ކުރިމަތީގައި ފުރައިގެން އެ ދިޔައީއެވެ.

މިހާރު ޔަގީންކުރެވޭ ކަމަކީ ރައީސް ކަމުގައި ހުންނަވައިގެން ރައީސް ސާލިހް ދިވެހިރައްޔިތުންގެ ކުރިމަތީގައި ވަރަށް ބޮޑު އިތުރުފުޅެއް ހައްދަވާފައިވާ ކަމެވެ. މި އިތުރުފުޅުގެ ބަހަނާއަކަށް އެއީ ހަތިޔާރުއެޅި ސިފައިން ނޫންކަމަށް ވިދާޅުވި ވިދާޅުވުމެއް ކަމަށް ދައްކަވަން އުޅުއްވިޔަސް ސިފައިން ވިއްޔާ ވާނީ ސިފައިންނަށެވެ.

ރާއްޖޭގައި ތިބި އިންޑިއާ ސިފައިން ފުރަމުންދާއިރުވެސް އެ ވިދާޅުވަނީ "ދޮގު ދޮގު" ކަމަށެވެ. އެކަމަކު އެންމެންގެ ކުރިމަތީގައި މިހާ ސާފުކޮށް ހިގާ ކަމެއްގައި އެއްވެސް ޖެހިލުމެއް، ބިރެއް ނެތި މިހާރު މިހިގަމުންދާ އިންތިޚާބުގެ ކެމްޕެއިންގައި ބޮޑު ދޮގެއް އެމްޑީޕީން ވިއްކަނީ ކީއްވެގެން ހެއްޔެވެ.

ރާއްޖޭގައި އިންޑިއާ ސިފައިން ބައިތިއްބާފައި ނެތްކަމަށް ވޯޓްދޭ ދިވެހިރައްޔިތުންގެ ސިކުނޑިއަށް ވެއްދިދާނެކަމަށް ހީވަނީ ހިއްޔެވެ. ނުވަތަ އަދިވެސް ރިޔާސީ އިންތިޚާބުން ބަލިވި މައިގަނޑު އެއް ސަބަބާއިމެދު ހޭވެރިކަމެއް ނުވަނީހެއްޔެވެ.

އެމްޑީޕީގެ މިސްރާބަކީ ކޮބައި؟

ރައީސް ޔާމީންގެ ވެރިކަމުގައި އެމްޑީޕީން ސިފަކުރީ ޔާމީނަކީ ޗައިނާގެ ޕަޕެޓެއް ކަމަށެވެ. އެކަމަކު ޔާމީންގެ ވެރިކަން ނިމިގެންދިޔުމަށްފަހުގައި އެނގުނީ ދިވެހިރާއްޖެގެ އެއްވެސް ސްޓްރެޓެޖިކް އިންވެސްޓްމަންޓެއް، ކުންފުންޏެއް، ސަރަހައްދެއް ޗައިނާގެ ކޮންޓްރޯލް ހިނގާގޮތަށް ދޫކޮށްލާފައިނުވާކަމެވެ.

އެއަރޕޯޓް ތަރައްގީ ކުރުމުގެ މަޝްރޫއުވެސް އެހެރީ އެތައް ގައުމެއް ހިމެނޭގޮތަށް ނެގި ލޯނަކުންނެވެ. ސިނަމާލެ ބްރިޖަކީ ޗައިނާއިން ލޯންނެގިޔަސް ދިވެހިން އެމަޝްރޫއާއި މެދު މިއަދުވެސް ފަޚްރުވެރިވާ މަޝްރޫއެކެވެ. އެތާގައި ހުރީ ޗައިނާގެ ރަމްޒެއް ނޫނެވެ. ރާއްޖޭގައި ޗައިނާގެ އެކި ސަރަހައްދުތަކުގައި ޗައިނާގެ އަސްކަރީ ތަންތަން ހަދައި ސިފައިން ބައިތިއްބާފައި ތިބިކަމަށް އިންޑިއާގެ ނޫސްތައް މެދުވެރިކޮށް ޚަބަރުފަތުރައި ހެދިޔަސް އެއީ ހުސްދޮގުކަން ޔާމީނަށްފަހުގައިވެސް އޮތީ ފެންނާށެވެ.

އެކަމަކު އެހެންތޯއެވެ. ސާލިހް ފައިބައިގެން ދިޔައިރު ރާއްޖޭގެ ސްޓްރެޓެޖިކް ހުރިހައި ސަރަހައްދެއްގައި އިންޑިއާ ސިފައިން ބައިތިއްބައި މަތިންނާއި އަޑީން ރާއްޖޭގެ ކަނޑުފަޅުތައް ބަލައި ފޮޓޯނަގައި އެއިން ހިތުހުރިގޮތަކަށް ވިޔަފާރިކޮށް އުޅުމަށް އެއްބެސްވުން ހަދައި އަމަލުކުރަން ދޫކޮށްލާފައި ވެއެވެ.

ދިވެހި މަސްވެރިން ބާނާ މަސްއައިނުތައް އެއްވާތަންތަނާއި މަސްހިފާ މިންވަރާއި ފެލިވަރު ކާރުޚާނާއިން ޕްރޮސެސްކުރެވޭ މިންވަރާއި އެކްސްޕޯޓް ކުރެވޭ މިންވަރު ދެނެގަތުމުގެ ބާރުވެސް ފެލިވަރު ތަރައްގީ ކުރުމުގެ މަޝްރޫއުގެ ނަމުގައި އިންޑިއާއަށް އޮތީ ދޫކޮށްލާފައެވެ. ރާއްޖޭގެ މައިއިންޑަސްޓްރީ ކަމުގައިވާ ޓޫރިޒަމް ބަރޯސާކޮށްފައި ބޭއްވީވެސް އިންޑިއާއަށެވެ. ހަގީގަތުގައި ރާއްޖޭގެ އިގްތިސާދުގެ ލޭނާރުތައް އިންޑިއާގެ އަތްމައްޗަށް ކިތަންމެހާވެސް ރަނގަޅަކަށް ދޫކޮށްލެއްވިއެވެ.

ރާއްޖެއިން އިންޑިއާއަށް ބަރޯސާވުން ކުޑަކުރުމަށް އެކިގައުމުތަކުން ހިލަޔާއި ހިލަވެލި ގެނައުމާއި ކާބޯތަކެތި ގެނައުމަށް ޔާމީންގެ ސަރުކާރުން ގެންގުޅު ސިޔާސަތުތައް ދޫކޮށްލައި އެހުރިހައި ކަމެއް އަލުން އިންޑިއާގެ މުށުތެރެއަށް ވައްޓައިލިއެވެ.

ބިދޭސީ މަސައްކަތު މީހުން ގެނެވޭނީވެސް ހަމަ އެކަނި އިންޑިއާއަށް ކަމަށް އޮތީ ގޮތަކަށް ވެފައެވެ. ސިވިލް ސާވެންޓުންނަށް މުސާރަ ދެނީ އިންޑިއާއިން ލޯނު ނަގައިގެންނެވެ. ކިޔަވައިދޭނެ ބިދޭސީ ޓީޗަރުންނާއި ޑޮކްޓަރުން ގެންނަނީ ހަމައެކަނި އިންޑިއާއިންނެވެ.

ދިވެހިރާއްޖެއިން ގުޅުން ބާއްވާނެ ގައުމުތަކާއި ނުބާއްވާނެ ގައުމުތައް ކަނޑައެޅުމުގެ ބާރުވެސް އޮތީ ތެދުތެދަށް ބުނާނަމަ އިންޑިއާއަށް ދޫކޮށްލާފައެވެ. ޕާކިސްތާނާއި ޗައިނާއާއި ގުޅުން ބަދަހިނުކޮށް ބޭއްވީ އެހެންވެގެންނެވެ. ސާލިހްގެ ސަރުކާރުގެ ފަސް އަހަރު އެއްކޮށް ނިމިގެންދިޔައިރު ސަރުކާރު މައިގަނޑު ގޮތެއްގައި ހިންގީ އިންޑިއާއިން ދިން އެއްބިލިޔަން ޑޮލަރުގެ ލޯނުންނެވެ. އެހެން އެއްވެސް ގައުމުކުން ފާހަގަކުރެވޭ ފަދަ އެހީއެއް ނުލިބިއެވެ.

މިއީ ދުވަހަކުވެސް ދިވެހި ގައުމުގެ ތާރީޚްގައި މުޙައްމަދު ނަޝީދު ފިޔަވައި ދިވެހިރާއްޖޭގެ އެއްވެސް ރަސްކަލަކު އަދި ރައީސަކު ދިވެހި ގައުމު ހިންގި ގޮތެއް ނޫނެވެ. އެއްވެސް ގައުމެއްގެ މުށުތެރެއަށް ގައުމު ވައްޓާނުލައެވެ. އެކަމުގެ ނުރައްކަލާއި ގެއްލުން ދިވެހިންނަށް ވަޒަން ކުރެވެއެވެ.

އާޚިރްނަތީޖާއަކަށްވާނީ ދުވަސްތަކަކުން ދިވެހި ގައުމު ހަތަރު ފަރާތުން ބަނދެވި މިނިވަންކަމާއި އިސްތިގްލާލް ގެއްލިގެން ދިޔުންކަން ދިވެހިން ދަނެވެ. ދެވަނަ ބޮޑު ހަގުރާމައިގެ މަޖްބޫރީ ހާލަތުގެތެރޭގައި އިނގިރޭސިން މުޅި ސަރަހައްދު އަޅުވެތި ކުރިއިރު ރާއްޖޭގެ ރަސްގެފާނު ހިތްވަރުފުޅުން ދިވެހ ގައުމުގެ ދާޚިލީ މިނިވަންކަން ހިފެހެއްޓެވިއެވެ.

މިސްރާބު ބަދަލު ކުރުމަކީ ސަރުކާރު ބަދަލުކުރުންބާ؟

ސާލިހްގެ ސަރުކާރުގެ މިސްރާބު ހުރީ އިންޑިއާކަނޑުގައި ހެދެމުންދިޔަ ނުރައްކާތެރި ތޫފާނަކާއި ދިމާލަކަށް މިސްރާބުޖަހާފައިކަން ދިވެހިންނަށް ވަޒަން ކުރެވުމުން ވެރިކަމުން ދުރުކުރީއެވެ.

އެ މިސްރާބަށް އަލުން ދިވެހިން ގެންދަން ރާއީސް ސާލިހް ގޮވުމަކީ މޮޔަ ވިސްނުންފުޅެކެވެ. ކޮށި ވިސްނުންފުޅެކެވެ. އެމިސްރާބަށް ދާން މިހާރުގެ ރައީސް އަނބުރާލައްވައިފިނަމަ ދިވެހިރައްޔިތުން އެމަނިކުފާނުވެސް ވައްޓާލާނެކަމީ ޔަގީން ކަމެކެވެ.

ކޮންމެއަކަސް އިންޑިއާގެ މައްސަލައަކީ އެމްޑީޕީގެ ވަރަށް ހައްސާސް މައްސަލައެއްކަން އެގެއެވެ.

އާ ސަރުކާރު ވައްޓާލުމަށްޓަކައި އެމްޑީޕީގެ ސުޕަރމެޖޯރިޓީ އޮންނަ ރައްޔިތުންގެ މަޖިލީހުގެތެރެއިން ރައީސް މުއިއްޒު ވެރިކަމުން އަޒުލު ކުރުމުގެ ވޯޓްނެގުމަށް މަސައްކަތްފެށީ އިންޑިއާ މައްސަލާގައެވެ.

ސުޕްރީމް ކޯޓުގެ އަމުރަށް ތަބާނުވުމާއި މަޖިލީހުގެ އިޖްރާތުތައް ގޮތްގޮތަށް އަބުރައިހަދަނީވެސް އެހެންވެގެންނެވެ. އެހެންވީމާ މިފަހަރު އިންތިޚާބުގައި ރައްޔިތުންގެ މަޖިލީހުގެ މެޖޯރިޓީ ލިބިއްޖެނަމަ އެޕާޓީން ކުރާނެ ފުރަތަމަ ކަމަކީ ހަމަ ކަށަވަރުންވެސް ރައީސް އަޒުލް ކުރުންކަމާއިމެދު އެއްވެސް ޝައްކެއް ނެތެވެ.

މިހިދަށް އެމައްސަލަ ރައްޔިތުންގެ މަޖިލީހުގައި ޕާކުކޮށްފައި ބާއްވާފައި އެއޮތީ އެހެންވެގެންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ

ޓަކާ ޓަކާ ގޮވައިގެން އާންމުންނަށް ލިބެން އޮތް ތަނަވަސްކަން ހުއްޓުވުމަކީ ހީލަތްތެރި ކަމެއް: ރައީސް ނަޝީދު
19 Nov 2026 ހަބަރު

ޓަކާ ޓަކާ ގޮވައިގެން އާންމުންނަށް ލިބެން އޮތް ތަނަވަސްކަން ހުއްޓުވުމަކީ ހީލަތްތެރި ކަމެއް: ރައީސް ނަޝީދު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރަސްމާލޭގައި "މޯލްޑިވްސް ވޯޓަރފްރަންޓް އެންޑް މެރީނާ" މަޝްރޫޢު ތަރައްޤީކުރުމަށް އަބޫދާބީގެ އީގަލް ހިލްސް ކުންފުންޏާއެކު ވެފައިވާ އެއްބަސްވުމާ ދެކޮޅަށް އިދިކޮޅު އެމްޑީޕީން އަޑުއުފުލަމުންދާތީ، އެކަމަށް ކުރީގެ ރައީސް މުޙައްމަދު ނަޝީދު ވަރަށް ބޮޑަށް ފާޑުވިދާޅުވެއްޖެއެވެ.

މޭޔަރު ސައުދުގެ މައްޗަށް އުފުލި ދައުވާތައް އަނބުރާ ގެންދިޔުމަށް އެމްޑީޕީން ގޮވާލައިފި
11 Nov 2026 ހަބަރު

މޭޔަރު ސައުދުގެ މައްޗަށް އުފުލި ދައުވާތައް އަނބުރާ ގެންދިޔުމަށް އެމްޑީޕީން ގޮވާލައިފި

އެމްޑީޕީން ނެރުނު ބަޔާނެއްގައި ބުނީ ކައުންސިލް ނިންމުމެއްގެ ޒިންމާ ފަރުދީ ގޮތެއްގައި ސައުދު ޢަލީ އުފުލައި އޭނާގެ މައްޗަށް ޖިނާއީ ދައުވާ ކުރުމަކީ ޤާނޫނުއަސާސީއާއި ޤާނޫނީ ޢާންމު އުސޫލުތަކާ ފުށުއަރާ ކަމެއް ކަމަށެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.

ރަސްމާލެ މަޝްރޫއާ ގުޅޭގޮތުން ފެންނަ ނުފެންނަ ވޯޓެއް ނުނަގާނަން: ރައީސް މުޢިއްޒު
09 Nov 2026 ހަބަރު

ރަސްމާލެ މަޝްރޫއާ ގުޅޭގޮތުން ފެންނަ ނުފެންނަ ވޯޓެއް ނުނަގާނަން: ރައީސް މުޢިއްޒު

ރަސްމާލެ ތަރައްގީކުރުމުގެ ބިޔަ މަޝްރޫއާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނުވަތަ ރެފަރެންޑަމެއް ނުނަގާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.

”ޒަޔަނިސްޓުން ގައުމު ހިފަނީ“ ކަމަށްބުނެ އަސާސެއްނެތް ވާހަކަދެއްކުމަކީ އެމްޑީޕީގެ އިތުބާރުގެއްލޭނެ ކަމެއް: ރައީސް ނަޝީދު
01 Nov 2026 ހަބަރު

”ޒަޔަނިސްޓުން ގައުމު ހިފަނީ“ ކަމަށްބުނެ އަސާސެއްނެތް ވާހަކަދެއްކުމަކީ އެމްޑީޕީގެ އިތުބާރުގެއްލޭނެ ކަމެއް: ރައީސް ނަޝީދު

އެމްޑީޕީގެ ފިކުރާއި އަސާސްތަކާ ޚިލާފަށް، އެ ޕާޓީގެ މިހާރުގެ މިސްރާބު ހުރި ގޮތާމެދު ޕާޓީގެ ޗެއާޕާސަން އަދި ކުރީގެ ރައީސް މުޙައްމަދު ނަޝީދު ކަންބޮޑުވުންފާޅުކުރައްވައިފިއެވެ.