"ތިމާ ޤަބޫލުކުރާ "ވެލިއުސް"ތައް ދުނިޔެއަށްޓަކާ ދޫކޮށްލައިފިނަމަ އެކަމުގެ ގެއްލުން ޤައުމަށްވާނެ"
ތިމާ ޤަބޫލުކުރާ "ވެލިއުސް"ތައް ދުނިޔެއަށްޓަކާ ދޫކޮށްލައިފިނަމަ އެކަމުގެ ގެއްލުން ޤައުމަށްވާނެ ކަމަށް ކުރީގެ އިސްލާމިކް މިނިސްޓަރ ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ ޝަހީމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
"އެބަޔަކު ޤަބޫލުކުރަމުން އަންނަ ވެލިއުސްތަކާއި ފިކުރާއި ވިސްނުން، ފައިސާއާއި ދުނިޔަވީ މާއްދީ ސަބަބުތަކަށްޓަކައި ވިއްކާލައިފިނަމަ އެކަމުގެ ގެއްލުން ވެގެންދަނީ ހަމައެކަނި ތިމާގެ މުސްތަޤްބަލަކަށް ނޫން" ޑރ ޝަހީމް ވިދާޅުވިއެވެ.
ޑރ ޝަހީމް ވިދާޅުވީ އެކަމުގެ ގެއްލުން މުޅި ޤައުމަށާއި މުސްތަޤްބަލުގެ ޖީލުތަކަށް ފޯރާނެ ކަމަށެވެ.
ރިޔާސީ އިންތިޚާބުގެ ދެވަނަ ބުރުގެ ވޯޓުލުން ގާތްވަމުން އަންނަ އިރު ދެ ކެންޑިޑޭޓުންގެ ފަރާތުންވެސް އަންނަނީ ވޯޓް ގަތުމާއި މިފަދަ ކަންކަން ހިނގަމުންދާ ކަމުގެ ވާހަކަތައް ދެކެވެމުންނެވެ.
ކަމާއި ބެހޭ ފަރާތްތަކުން އެކަންކަމާއި މެދު ހޭލުންތެރި ކުރުވުމުގެ މަސައްކަތްތައް ކުރި ނަމަވެސް އަދިވެސް މިފަދަ ކަންކަމަކީ ކޮންމެ އިންތިޚާބަކާއި ގުޅިގެން ވެސް ހިނގަމުން އަންނަކަންކަމެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
