އުއްޗުގެ ފަރާތުން ހޯރަފުށީ ސްކޫލަށް 1.17 މިލިއަން ރުފިޔާގެ އެހީ!
ޗަންޕާ ބްރަދާސްގެ ޗެއަރމަން މުހައްމަދު މޫސާ (އުއްޗު) ގެ ފަރާތުން ހޯރަފުށީ އިންޓަރނޭޝަނަލް ސްކޫލަށް 1.17 މިލިއަން ރުފިޔާގެ އެހީ ދެއްވައިފިއެވެ.
ހޯރަފުށީ ކައުންސިލްގައި އިއްޔެ ބޭއްވި ހާއްސަ ރަސްމިއްޔާތެއްގައި މި އެހީ އުއްޗުގެ ފަރާތުން ހަދިޔާކޮށްދެއްވާފައިވަނީ އުއްޗުގެ ދަރިކަނބަލުން ސާރާ މުހައްމަދު މޫސާއެވެ. އަދި އެހީއާއި ހަވާލުވެވަޑައިގަތީ ހޯރަފުށީ ދާއިރާގެ މަޖްލިސް މެމްބަރު އަހުމަދު ސަލީމް އަދި އެރަށު ކައުންސިލްގެ ރައީސް މުހައްމަދު ވަހީދެވެ.
އުއްޗުގެ ފަރާތުން މި އެހީ ދެއްވާފައިވަނީ 2021 ވަނަ އަހަރުގެ މަސްވެރިންގެ ދުވަހުގެ ރަސްމީ ޖަލްސާއަށް އުއްޗު ހޯރަފުށްޓަށް ވަޑައިގަތުމުން، އެ ރަށުގެ ރައްޔިތުން އުއްޗުއާއި ބައްދަލުކޮށް އެރަށުގެ ސްކޫލަށް ބޭނުންވާ ބައެއް ކަންކަން ކޮށްދިނުމަށް އެދުމުންނެވެ.
މިކަމާއި ގުޅިގެން ހޯރަފުށީ ކައުންސިލުން ވަނީ އެ ރަށުގެ ރައްޔިތުންގެ ފަރާތުން އުއްޗުއަށް ހާސްފަށުން ޝުކުރު އަދާކޮށްފައެވެ.
މިއާއިއެކު މެމްބަރު ސަލީމްއަށާއި އެމްޓީސީސީގެ ސީއީއޯ އާދަމް އާޒިމް އަށާއި އެ ކުންފުންޏަށް ވެސް ކައުންސިލުން ވަނީ ޝުކުރު އަދާ ކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
