ނިޒާމާއި ބެހޭ ވޯޓު ނެގުމަށް އަދި ހަމަޖެހިފައިވަނީ އޮކްޓޯބަރު 29 ވަނަ ދުވަހު: އީސީ
ދިވެހިރާއްޖޭގެ ވެރިކަމުގެ ނިޒާމު އޮންނަން ފެންނަނީ ބަރުލާމާނީއަށްތޯ ނުވަތަ ރިޔާސީ ނިޒާމަށްތޯ ބެލުމަށް ނެގޭ ނިޒާމީ ވޯޓު ނެގުމަށް އަދި އިލެކްޝަންސް ކޮމިޝަނުގައި މަޝްވަރާ ކުރެވިފައިވަނީ އޮކްޓޫބަރު މަހުގެ 30 ވަނަ ދުވަހުގައި ކަމަށް އިލެކްޝަންސް ކޮމިޝަނުގެ ރައީސް ފުވާދު ތައުފީގް ވިދާޅުވެއްޖެއެވެ.
މިއަދު އިލެކްޝަންސް ކޮމިޝަންގެ އިންތިހާބީ މަރުކަޒުގައި ކުރިއަށް ގެންދިޔަ ނޫސްވެރިންގެ ބައްދަލުވުމެއްގައި ނޫވެސްވެރިއަކު ކުރެއްވި ސުވާލަކަށް ޖަވާބު ދެއްވަމުން ފުވާދު ވިދާޅުވީ، ނިޒާމާއި ބެހޭ ވޯޓު ނެގުމުގެ ކަންކަމަށް ބޭނުންވާ ބަޖެޓް ހަމަޖެހުނުހާ އަވަހަކަށް ރިޔާސީ އިންތިހާބުގެ ދެވަނަބުރުގެ ބުނުމާއެކު ނިޒާމާ ބެހޭ ވޯޓަށް ރައްޔިތުން ހޭލުންތެރިކުރުވުމުގެ ޕްރޮގްރާމްތައްވެސް ފަށާނެކަމުގައެވެ.
އަދި މީގެ އިތުރުން ނިޒާމީ ވޯޓެއް ނެގޭއިރު ތަބާ ވާންޖެހޭ ހާއްސަ ގާނޫނެއް އަދި މިހާތަނަށް ކަނޑައެޅިފައިނުވާތީ އެފަދަ ގަވާއިދެއް އެކުލަވާލާ މަޝްވަރާކުރުމުގެ މަސައްކަތް އިއްޔެ އިލެކްޝަންސް ކޮމިޝަނުގައި ކުރިއަށް ގެންދެވިފައިވާނެ ކަމުގައިވެސް ފުވާދު ވަނީ ވިދާޅުވެފައެވެ.
އަދި ހަމަ އެޔާއެކު ނިޒާމީ ވޯޓާއި ގުޅޭގޮތުން ރައްޔިތުންގެ ހޭލުންތެރިކުރުމުގެ މަސައްކަތް ރައްޔިތުންގެ މަޖިލީހުން ނުވަތަ ރައީސުލްޖުމްހޫރިއްޔާގެ ފަރާތްޕުޅުން އިލެކްޝަންސް ކޮމިޝަނާއި ހަވާލުކޮށްފިނަމަ އެކަން ކުރެވުނު އެންމެ ރަނގަޅަކަށް ކުރާނެ ކަމުގައިވެސް ފުވާދު ވަނީ ވިދާޅުވެފައެވެ.
އެކަން ކުރެވުނު އެންމެ ރަނގަޅަކަށް އިލެކްޝަންސް ކޮމިޝަނުން އެކަން ކުރާނަނަށް، ރައްޔިތުންނަށް ދެވެން އޮތް އެންމެ ފުޅާދާއިރާއެއްގައި އަޅުގަނޑުމެން މައުލޫމާތު ދީގެން ހޭލުންތެރި ކުރާނަން
ފުވާދު ތައުފީގް
މީގެ އިތުރުން އިލެކްޝަންސް ކޮމިޝަނުގެ ނައިބުރައީސް އިސްމާއީލް ހަބީބް ވިދާޅުވީ ނިޒާމީ ވޯޓުގެ މަސައްކަތް ކުރުމަށްޓަަކައި އެކަމަށް އެކަށީގެން ވާ ވަގުތާއި ބަޖެޓްވެސް ލިބެން ޖެހޭނެ ކަމަށާއި އެގޮތުން ވޯޓު ލެވޭ މީހުންގެ ލިސްޓު އެކުލަވާލައި ރެޖިސްޓްރޭޝަންގެ މަސައްކަތަށްވެސް ވަގުތު ބެނުންވާނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
