ހިތަދޫ ގެއެއްގައި އަލިފާން ރޯވެ މީހަކު ފިހިއްޖެ

އައްޑޫސިޓީ ހިތަދޫ، ގެއެއްގައި އަލިފާނުގެ ހާދިސާއެއް ހިނގައި، ފިރިހެނަކު ފިހިއްޖެ އެވެ.

އެމްއެންޑީއެފްއިން ބުނީ މި ހާދިސާ ހިނގާފައިވަނީ އައްޑޫ ސިޓީ ހިތަދޫ "ކުޅިބަލާބޭ" ނަމަކަށް ކިޔާ ގެއެއްގައި ކަމަށެވެ.

އަދި ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނަށް ފަތިހު 04:10 ހާއިރު ހާދިސާގެ ރިޕޯޓް ލިބުމާއެކު އެ ފަޔަރ ސްޓޭޝަންގެ ފަޔަރމަނުން އަލިފާން ނިއްވުމުގެ މަސައްކަތް ފަށާފައިވާ ކަމަށާ، މިގޮތުން އެ ސަރަހައްދަށް ފަޔަރމަނުން ގޮސް ކުރި މަސައްކަތުން ރޯވެފައިހުރި އަލިފާން ނިއްވާލާފައި ވަނީ ފަތިހު 05:45 ހާއިރު ކަމަށްވެސް އެމްއެންޑީއެފް އިން މައުލޫމާތު ދެއެވެ.

އެމްއެންޑީއެފް އިން އިތުރަށް ބުނީ، މި ހާދިސާގައި އެ ގެއަށް އަލިފާނުގެ ސަބަބުން ބޮޑެތި ގެއްލުންތައް ލިބިފައި ކަމަށެވެ. އަދި މި ހާދިސާ ހިނގި ވަގުތު އެ ގޭގައި އުޅުނު ފިރިހެނެއްގެ އަތާއި ފައި ވެސް ކޮންމެވެސް ވަރަކަށް ފިހިފައިވާ ކަމަށް ްެ އިދާރާއިން މައުލޫމާތު ދެއެވެ.