ބީޖޭޕީގެ އެމްޕީ އަކު މުސްލިމް އެމްޕީ އަކަށް ޓެރަރިސްޓަށް ގޮވައިފި!
އިންޑިޔާގެ ވެރިކަންކުރާ ޕާޓީ ބާރަތިޔަ ޖަނަތާ ޕާޓީ( ބީޖޭޕީ) ގެ އަށް ނިސްބަތްވާ އެމްޕީ އަކު މުސްލިމް އެމްޕީއަކަށް ނިސްބަތްކޮށް ޓެރަރިސްޓެއް ކަމަށް ގޮވާ ވީޑިއޯ އެއް ޢާންމު ވެއްޖެއެވެ.
އިންޑިޔާގެ ޤާނޫނު ހަދާ މަޖިލީހުގައި ވާހަކަ ދައްކަމުން ދިއްލީގެ ދެކުނުގެ ދާއިރާއެއްގެ އެމްޕީއެއް ކަމަށްވާ ރަމޭޝް ބިދޫރީ ވަނީ އެޤައުމުގެ އިދިކޮޅު ޕާޓީއެއް ކަމަށްވާ ބަހޫޖާން ސަމަޖް ޕާޓީ އަށް ނިސްބަތްވާ އެމްޕީއެއް ކަމަށްވާ ކުންވަރް ދާނިޝް ޢަލީ އަށް ނިސްބަތް ކޮށް ޓެރަރިސްޓެއް ކަމަށާއި ހަށިވިއްކުމުގެ ވިޔަފާރީގައި އުޅޭ މީހެއް ކަމަށް ބުނެފައެވެ.
އިންޑިޔާއިން ދާދި ފަހުން އިންޑިޔާއިން ކާމިޔާބު ކަމާއި އެކު ނިންމާލި ޗަންދްރަޔާން މިޝަންގެ ކާމިޔާބީއާއި ގުޅޭ ގޮތުން ވާހަކަ ދެއްކުމުގެ ތެރޭގައި ރަމޭޝް ބިދޫރީ ވަނީ ދާނިޝްއަށް ވަރަށް ހުތުރުގެ ބަހުގެ ހަމަލާތައް ދީފައެވެ.
އެގޮތުން ދާނިޝް އަކީ ހައްދުފަހަނަ އެޅި މީހެއް ކަމަށާއި، ޚިތާނު ކޮށްފައިހުރި ޓެރަރިސްޓެއް ކަމަށްބުނެފައި ވެއެވެ. ދާނިޝް އާއި ދިމާއަށް މުއްލާ އޭ ބުނެ އިންޒާރުވެސް ދީފައިވެއެވެ.
ރަމޭޝް ބިދޫރީގެ ވާހަކަތައް މިހެން ކުރިއަށް ދިޔައިރު ބީޖޭޕީގެ ދެ އިސް ލީޑަރަކާއި ޔޫނިއަން ލީޑަރު އެކަމާއި ހޭ މަންޒަރު ފެންނަ ވީޑީއޯއެއްވެސް ވަނީ ޢާންމުވެފައެވެ.
އިންޑިޔާގެ ޤާނޫނު ހަދަ މަޖިލީހުގެ ތިރިގޭގެ ސްޕީކަރ އޯމް ބިރްލާ ބުނެފައިވަނީ މިފަދަ ކަމެން ދެން ތަކުރާރު ވެއްޖެނަމަ ރަމޭޝް ބިދޫރީއާއި މެދެ ފިޔަވަޅު އަޅާނެ ކަމަށެވެ.
މިކަމާއި ގުޅިގެން ކަޝްމީރުގެ ޗީފް މިނިސްޓަރ ވިދާޅުވެފައިވަނީ އިންޑިޔާގައި މުސްލިމުންނާއި މެދު ހިންގާ ނަފްރަތުގެ ޢަމަލުތައް މިހާރުވަނީ ހައްދުފަހަނައަޅައިފައި ކަމަށެވެ. ބަޔަކު ވޯޓްލައިގެން ހޮވައިފައިހުރި އެމްޕީ އަކަށް މިފަދައިން މުޚާތަބު ކުރުމުން އެބައިމީހުންގެ ހިތުގައި މުސްލިމުންނާއި މެދު އޮތް ނަފްރަތާއި ރުޅިވެރިކަން ހާމަވެގެން ހިނގައްޖެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
