މުހިންމު މަސައްކަތް ހުރި ނަމަވެސް, ކޯރަމް ހަމަނުވެގެން މިއަދުގެ ޖަލްސާ ކުރިއަކަށް ނުގެންދެވުނު
ކޯރަމް ހަމަނުވުމުގެ ސަބަބުން ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރުގެ 14 ވަނަ ޖަލްސާ ކުރިއަށް ނުގެންދެވި ކެންސަލްކޮށްފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާ ތާވަލުކޮށްފައިވަނީ ހެނދުނު 9:00 އަށެވެ. ކޯރަމްގެ ބެލު ޖެހުމަށްފަހު ވެސް މަޖިލީހުގެ ޖަލްސާ ކުރިއަށް ގެންދެވޭ ގާނޫނީ އަދަދަށް މެމްބަރުން މަޖިލީހަށް ހާޒިރުވެފައި ނުވާތީ މަޖިލީހުގެ ރިޔާސަތުގައި އިންނެވި ނައިބު ރައީސާ އީވާ އަބްދުالله ވަނީ ޖަލްސާ ކުރިއަށް ގެންދެވެން ނެތްކަމަށް ކަނޑައަޅާ ކުރުކޮށްލާފަ އެވެ.
މިއަދުގެ ޖަލްސާ ކެންސަލްކޮށްފައިވާއިރު، މަޖިލީހުން ފަށާފައިވާ މުހިންމު މަސައްކަތްތަކެއް ހުރިކަން ފާހަގަކޮށްލެވެއެވެ.
އޭގެތެރޭގައި ސަރުކާރުގެ ފަރާތުން ކެނދިކުޅުދޫ ދާއިރާގެ މެމްބަރު އަހުމަދު އީސާ ހުށައަޅުއްވާފައިވާ ޤާނޫނު ނަންބަރު 2/99 (ދިވެހިރާއްޖޭގެ ޓުއަރިޒަމާ ބެހޭ ގާނޫނު) އަށް އިސްލާހު ގެނައުމުގެ މަސައްކަތް ވަނީ މިއަދަށް އޭޖެންޑާ ކުރެވިފައެވެ.
އޭގެ އިތުރުން ދިވެހިރާއްޖޭގެ މަސް ކަނޑުން ގެއްލުނުބައި ހޯދުން އަވަސްކުރުމަށް ސަރުކާރަށް ގޮވާލާ ހުށައަޅާފައިވާ ގަރާރާއި ދިވެހިރާއްޖޭގެ ޖުމްހޫރިއްޔާގެ ގާނޫނު އަސާސީއަށް އިސްލާހު ގެނައުމުގެ ބިލުގެ ބަހުސްގެ އިތުރުން ޖުޑިޝަލް ސާވިސް ކޮމިޝަންގެ ބިލަށް އިސްލާހު ގެނައުމުގެ ބިލުގެ ބަހުސްވެސް ވަނީ މިއަދަށް ތާވަލު ކުރެވިފައެވެ.
ހަމައެއާއެކު ވޯޓަށް އަހަންހުރި މުހިންމު ކަންކަން ވެސް މަޖިލީހުގެ މިއަދުގެ އެޖެންޑާގައި ތާވަލުކޮށްފައި ވެއެވެ.
މި ފަހަކަށް އައިސް ކޯރަމް ހަމަނުވުމުގެ ސަބަބުން މަޖިލީހުގެ ގިނަ ޖަލްސާތަކެއް ކެންސަލް ކުރަމުންދާއިރު މަޖިލީހުގެ މަސައްކަތްތައް ނުނިމި ދިގުލައިގެންދާތީ ގިނަބައެއްގެ ފާޑުކިޔުންތައް ދަނީ އަމާޒުވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
