ފަލަސްޠީން ޣައްޒާ ހަނގުރާމަ: ރޭ ދިން ހަަމަލާތަކުގައި 140 މީހުން ޝަހީދުވި
ފަލަސްޠީނުގެ ރައްޔިތުންނަށް އަމާޒުކޮށް އިޒްރާއިލުން ދެމުންދާ ސިލްސިލާ ހަމަލާތަކިގެ ތެރެއިން ރޭ ދިން ހަމަލާތަކުގައި 140 މީހަކު ޝަހީދުވެފައިވާ ކަމަށް ފަލަސްޠީނުގެ ދައުލަތުގެ މީޑިއާ އިން ހާމަކޮށްފިއެވެ.
ފަލަސްޠީނުގެ ދައުލަތުގެ މީޑިއާއިން ބުނެފައިވަނީ ރޭ އިޒްރާއިލުން ވައިގެން މަގުން ދިން ހަމަލާތަކުގެ ސަބަބުން 140 އަށް ވުރެ ގިނަ މީހުން ޝަހީދު ވެފައިވާކަމަށެވެ. އަދި އެތައް ސަތޭކަ ބަޔަކު ޒަޚަމްވެފައިވާ ކަމަށެވެ.
ބައިނަލް އަޤްވާމީ ޖަމިއްޔާއެއް ކަމަށްވާ ޔުނައިޓެޑް ނޭޝަންސްއިން ބުނެފައިވަނީ އެ ޖަމިއްޔާގެ 35 މުވައްޒަފެއް އިޒްރާއިލްގެ ހަމަލާތަކުގެ ސަބަބުން މަރުވެފައިވާ ކަމަށެވެ.
އިޒްރާއިލުން ފަލަސްޠީނާއި ދެކޮޅަށް ކަމަށްބުނެ ކުރަމުންދާ ހަނގުރާމައަކީ އެފަދަ ހަނގުރާމައެއް ކަމަށް ބުނެވޭ ކަށްނެތެވެ. އިޒްރާއިލުން ދޭ ހަމަލާތައް އަމާޒުކޮށް ދެމުންދަނީ ފަަލަސްޠީނުގެ އާންމުން ދިރިއުޅެމުންދާ ސަރަހައްދުތަކަށެވެ.
މީގެ ދެދުވަހެއް ކުރިން ފަލަސްޠީނުގެ ކުޑަ ކުދިންތަކެއް، ފެން ހަމެއް ކައިިރިއަށް ފެން ބޯން ގޮސް ތިއްބައި އެކުދިންނަށް އަމާޒުކޮށް ދިން ހަމަލާއެއްގެ މަންޒަރުތައް ވަނީ ޢާންމުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
