ފަލަސްޠީން އިޒްރާއިލް ހަނގުރާމަ: ފަރަންސޭސި ސަރުކާރުން ބުނީ އިޒްރާއިލް އޮތީ އެކަނި ނޫން ކަމަށް

އިޒްރާއިލުން ފަަލަސްޠީނާއި ކުރާ ހަނގުރާމައިގައި އިޒްރާއިލް އޮތީ އެކަނި ނޫން ކަމަށާއި ފަރަންސޭސި ވިލާތުގެ ރައީސް އެމަނުއެލް މެކްރޮން ބުނެފިއެވެ.

އިޒްރާއިލްގެ ބޮޑުވަޒީރު ނަތަންޔާހޫ އާއި އެކު އެމަނުއެކް މެކްރޮން އާއި އެކު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން މެކްރޮން ބުނެފައިވަނީ ޓެރަރިޒަމަކީ އިޒްރާއީލާއި ފަރަންސޭސި ވިލާތުގެ ދުޝްމަނުން ކަމަށެވެ.

މީގެ އިތުރުން އޭނާ ބުނެފައިވަނީ އިޒްރާއިލް އޮތީ އެކަނި ނޫން ކަމަށާއި، ހަނގުރާމަވެރި ޖަމަޢަތް ތަކާއި ދެކޮޅަށް ހަނގުރާމަ ކުރުމަށް ކޯލިޝަން ހެދުމަށް އިޒްރާއީލަށް ހުށައަޅާ ކަމަށްެވެސް މެކްރޫން ވަނީ ބުނެފައެެވެ.

އަދި މެދުއިރުމަތީގައި ނަތަންޔާހޫގެ ބާރު ދެމެހެއްޓޭނީ ފަލަސްޠީން މައްސަލައިގައި އެހެން ޤައުމުތަކަށް ސިޔާސީ ގޮތުން ވާސިލް ވެގެން ކަމަށެވެ.

ނަތަންޔާހޫ އާއި މެކްރޫން އެކުގައި ބޭއްވި ނޫސްވެރިންގެ ބައްދަލުވުމުގައި ނަތަންޔާހޫ ބުނެފައިވަނީ އިޒްރާއިލުން ހަމާސް ނައްތާލާނެ ކަމަށެވެ.

ހަނގުރާމަވެރިން ނައްތާލުމަށް ކަމަށް ބުނެ އިޒްރާއިލުން ދޭ ހަމަލާތައް އަމާޒުކުރަމުން ދަނީ ފަލަސްޠީނުގެ ނިކަމެތި ޢާންމުންނަށެވެ. 7 އޮކްޓޫބަރުން ފެށިގެން ޝަހީދުވި މީހުންގެ ޢަދަދު 5000 މައްޗަށް އަރައިގެން ގޮސްފައިވާއިރު އޭގެ ތެރޭގައި ގިނައީ ކުޑަކުދިންނާއި އަންހެނުންނެވެ.