ރައީސް ޔާމީން ވެރިކަމަށް ގެނެސްގެން މެނުވީ ދިވެހީންގެ ޤައުމު ދިވެހީންނަށް އަނބުރާ ނުހޯދޭނެ: އިދިކޮޅުު
އިދިކޮޅު ރިޔާސީ ކެންޑިޑޭޓް ރައީސް ޢަބްދުالله ޔާމީން ޢަބްދުލްޤައްޔޫމް އަނބުރާ ވެރިކަމަށް ގެނެސްގެން މެނުވީ ދިވެހީންގެ ޤައުމު ދިވެހީންނަށް އަނބުރާ ހޯދޭނޭ ގޮތެއް ނެތް ކަމަށް އިދިކޮޅު ޕީޕީއެމް/ ޕީއެންސީ ކޯލިޝަނުން ބުނެފިއެވެ.
ދިވެހިރާއްޖޭގެ މިނިވަންކަމަށް 58 އަހަރު ފުރޭ 59ވަނަ މިނިވަން ދުވަހުގެ ތަޙުނިޔާއާއި ހެޔޮ އެދުންތައް ރައީސް ޔާމީނާއި، ލީޑަރޝިޕާއި ސެނެޓް މެންބަރުންގެ ފަރާތްޕުޅުން ދިވެހި އެންމެހައި ރައްޔިތުންނަށް އަރިސްކޮށް އިދިކޮޅުުން ނެރުނު ނޫސް ބަޔާނެއްގައި ބުނީ، ދިވެހީން ފަޚުރުވެރިވާ ދިވެހީންގެ މިނިވަން ދުވަހާ ބައްދަލު މި ވަނީ، ކަޅު އަނދިރިކަމާއި، ހިތްދަތިކަމާއި، ބަނަކަމުގެ އިޙުސާސްތައް ކުރުވަމުން ކަމަށެވެ.
"ޤައުމުގެ މިނިވަންކަމާއި އިސްތިޤުލާލު ނަގައިލައި، ދިވެހީންގެ މައްޗަށް އިންޑިއާގެ ނުފޫޒު އިންތިހާއަށް ފޯރުވަމުން ގެންދާއިރު މިނިވަންކަމުގެ އިޙުސާސް ކުރެވޭތޯއެވެ."
އިދިކޮޅު
މިއާއެކު އިދިކޮޅުުން ބުނީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވެރިކަން ކުރައްވަމުން ގެންދަވަނީ، އެމަނިކުފާނު އިސްވެ ހުންނަވައިގެން އިންޑިއާގެ އަތްމައްޗަށް ޤައުމު ދީލާލައި، ރާއްޖޭގެ ކަނޑުން ބައެއް ވިއްކާލައިގެން ކަމަށެވެ. އަދި މި ވެރިކަން ނިމުމަކަށް ގެނެސް ރައީސް ޔާމީން އަނބުރާ ވެރިކަމަށް ގެނެސްގެން މެނުވީ ދިވެހީންގެ ޤައުމު ދިވެހީންނަށް އަނބުރާ ހޯދޭނޭ ގޮތެއް ނެތް ކަމަށްވެސް އިދިކޮޅުުން ބުނެފައިވެއެވެ.
"ދިވެހި ޤައުމު އަޅުވެތިކަމުގެ ވިލާތަކެއްގެ ދަށުގައިވާ މި ޚައްޞާޞް ވަގުތުގައި، ޤައުމުގެ މަސްލަހަތު ދިފާޢުކުރުމަށް އެންމެން އެކީ ބާރުލައި މަސައްކަތްކުރުމަށް އަތުގުޅާލުމަކީ، ރައީސް ޔާމީން ޢަބްދުލްޤައްޔޫމްގެ އެދިވަޑައިގަތުމެކެވެ." އިދިކޮޅު ގެ ބަޔާނުގައި ބުނެފައި ވެއެވެ.
މިއާއެކު އެ ބަޔާނުގައި ބުނީ، ރައީސް ޔާމީނާއި އެ ކޯލިޝަންގެ އުއްމީދާއި ދުޢާއަކީ ރިޔާސީ އިންތިޚާބަކީ ޤައުމުގެ ޙާލަތު ބަދަލުކުރެވޭނޭ އިންތިޚާބެއްކަމުގައި ވުން ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
