ފަލަސްޠީނުން ޝަހީދުވަމުންދާ މީހުން އަދާކުރަމުންއެދަނީ ހަނގުރާމަ ހިންގުމުގެ އަގު: ޖޯ ބައިޑެން

ފަލަސްޠީނުގައި ޝަހީދުވަމުންދާ މީހުން އެއަދާކުރަނީ ހަނގުރާމަ ރާވައި ހިންގުމުގެ އަގު ކަމަށް އެމެރިކާގެ ރައީސް ޖޯ ބައިޑެން ބުނެފިއެވެ.

ބައިޑަން ބުނެފައިވަނީ ފަލަސްޠީނުގެ ސަރުކާރުގެ އިދާރާތަކުން ހާމަކޮށްފައިވާ ޝަހީދުންގެ ނަންބަރުތަކަކީ ހަޤީޤަތް ކަމަށް ޤަބޫލު ނުކުރެވޭ ކަމަށެވެ. އަދި މައުސޫމް ބަޔަކު ޝަހީދުވެފައި ވެދާނެ ކަމަށާއި، އެމަރުތަކުން އެއަދާ ކުރެެވެނީ ހަނގުރާމަ ފަށައި ހިންގުމުގެ އަގު ކަމަށެވެ.

ބައިޑަން މިހެން ބުނެފައިވަނީ އޮސްޓްރޭލިޔާގެ ބޮޑު ވަޒީރު އެންތޮނީ އަލްބަންސޭ އާއި އެކު ބޭއްވި ނޫސްވެރިންގެ ބައްދަލުވުމެއްގައި ނޫސްވެރިންގެ ސުވާލުތަކަށް ޖަވާބުދެމުންނެވެ.

އިޒްރޭލުން ޣައްޒާގެ އަލް އަހްލީ ހޮސްޕިޓަލަށް ދިން ހަމަލާގެ ސަަބަބުން ޝަހީދުވި މީހުންގެ ޢަދަދާއި މެދުވެސް އެމެރިކާއިން ވަނީ ސުވާލު އުފައްދައިފައެވެ. އަހްލީ އަށް ދިން ހަމަލާގައި 500 އާއި ގާތްކުރާ ޢަދަދަކަށް މީހުން ޝަހީދުވި އިރު އެމެރިކާއިން ބުނީ ޝަހީދުވީ 300 އެއްހާ މީހުން ކަމަށެެވެ.

އިޒްރާއިލުން ދެމުންދާ ހަމަލާތަކުގައި މިހާތަނަށް 6500 މީހުން ޝަހީދުވެފައިވާ އިރު އިޒްރާއިލުން ދަނީ ޣައްޒާގެ ޑޮކްޓަރުންނާއި ނޫސްވެރިންނަށާއި އެމީހުންގެ ޢާއިލާތަކަށް އަމާޒުކުރަން ފަށައިފައެވެ.