ވިނަރެސް އެޕާޓްމަންޓް ގަތުމަށް އެދުނު ފަރާތްތަކުގެ ވަގުތީ ލިސްޓު އާއްމު ކޮށްފި
ކުރީގެ ރައީސް ޔާމީން ޢަބްދުލްޤައްޔޫމުގެ ވެރިކަމުގައި ހިޔާ މަޝްރޫޢުގެ ދަށުން ހުޅުމާލެ ދެވަނަ ފިޔަވަހީގައި އިމާރާތްކޮށްފައިވާ 'ވިނަރެސް' ފްލެޓްތައް ގަތުމަށް އެދި ހުށަހަޅާފައިވާ ފަރާތްތަކުގެ ވަގުތީ ލިސްޓް އެޗްޑީސީން މިއަދު އާއްމުކޮށްފިއެވެ.
އެޗްޑީސީން އާއްމު ކުރި އެ ލިސްޓުގައި ވިނަރެސް ފްލެޓް ގަތުމަށް އެދި ހުށަހެޅި ފަރާތްތަކުގެ ތެރެއިން، މިނިސްޓްރީން ބަލަން ޖެހޭ މިންގަނޑުތަކަށް ބެލުމަށް ފަހު ޝަރުތު ހަމަވާ މީހުންނާއި އަދި ޝަރުތު ހަމަ ނުވާ މީހުންގެ އިތުރުން، ކޮންމެ މީހަކަށް ލިބުނު ޕޮއިންޓް ހިމަނާފައިވެއެވެ.
އަދި އޭގައި ހިމެނެނީ މާލޭގެ ރަށްވެއްސަކަށްވެފައިވާތާ 15 އަހަރުވެފައިވާ މީހުންގެ ލިސްޓާއި މާލޭގައި ދިރިއުޅެމުންދާތާ 15 އަހަރު ވެފައިވާ މީހުންގެ ލިސްޓެވެ.
ވިނަރެސް އަކީ ހުޅުމާލެ ފޭސް 2 ގައި އެޗްޑީސީއިން ތަރައްޤީކުރަމުން އަންނަ މެދު ފަންތީގެ ބޯހިޔާވަހިކަމުގެ މަޝްރޫއުއެކެވެ. މި މަޝްރޫއު އަކީ ކުރީގެ ރައީސް ޔާމީންގެ ވެރިކަމުގައި މާލެ ސަރަހައްދުގައި ދިމާވެފައިވާ ބޯހިޔާވަހިކަމުގެ ދަތިތަކަށް ހައްލެއް ހޯދައިދިނުމަށް ފެއްޓެވި މަޝްރޫއުއެކެވެ. މި މަޝްރޫއުގައި ޖުމްލަ 1344 އެޕާޓްމަންޓް ހިމެނޭގޮތަށް ޖުމްލަ 10 ޓަވަރު ހިމެނެއެވެ. އަދި މިތަނުގައި 2 ވައްތަރެއްގެ އެޕާޓްމަންޓް ހިމެނެއެވެ. 902 އަކަފޫޓު އަދި 883 އަކަފޫޓު ހިމެނޭ މި އެޕާޓްމަންޓް ތަކުގައި 3 ކޮޓަރި އަދި 3 ފާހަނާ އަދި ބެލްކަނީ ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
