އިޤްތިޞާދުގެ ކަންކަމުގައި ރައްޔިތުންނަށް ކައިރިން ބައިވެރިވެވޭނެ ގޮތް ހެދުމަކީ އެންމެ މުހިންމު ކަންތައް: ރައީސް ޞާލިޙް
އިޤްތިސާދުގެ އެކިކަންކަމުގައި ރައްޔިތުންނަށް ކައިރިން ބައިވެރިވެވޭނެ ގޮތް ހެދުމަކީ އެންމެ މުހިންމު ކަންތައް ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިހެން ވިދާޅުވީ ލ.ގަމުގައި ރޭ ބޭއްވުނު ކެމްޕޭނު ޖަލްސާގައި ވާހަކަދައްކަވަމުންނެވެ.
"އަޅުގަނޑުމެން އަމާޒު ހިފައިފައި މިއޮތީ ބޮޑު ބަދަލަކަށް، ހެޔޮ ބަދަލަކަށް މުޅި ރާއްޖެއަށް އިންޤިލާބީ ބޮޑު ބަދަލެއް ގެނައުމަށް، އެބަދަލު ގެނައުމުގައި އަޅުގަނޑުމެންގެ އެންމެ އިސްކަމަށްކަށް މިއޮތީ އިޤްތިޞާދު ޑަބަލް ކުރުން" ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ އިޤްތިޞާދު ޑަބަލް ކުރުމަށްޓަކައި ކުރަންޖެހޭ މަސައްކަތް ތައް އެމަނިކުފާނުގެ ސަރުކާރުން ކުރަމުންއެބަގެންދަވާ ކަމަށެވެ.
"އިޤްތިޞާދުގެ އެކި ހިސާބުގައި އެކިކަންތަކުގައި ރައްޔިތުން ވީހާވެސް ބޮޑަކަށް ބައިވެރިވޭގޮތައް ބައްޓަން ކުރުން އެއީ އެންމެ މުހިންމު އެއްކަންތައް" ރައީސް ވިދާޅުވިއެވެ.
ރައީސް ޞާލިޙް ވިދާޅުވީ ރާއްޖޭގެ އެކި ކަންކޮޅުތަކުގައި ހުރި ޤުދުރަތީ ވަޞީލަތްތައް އެންމެ ފުރިހަމައަށް ބޭނުންކުރެވޭހެން ސިޔާސަތުތައް ބައްޓަން ކުރަންޖެހޭ ކަމަށެވެ.
ލ އަތޮޅަކީ އެގޮތުން ބަލާއިރު ފައިދާހުރި ބޮޑެތި މަސައްކަތްތަކެއް ކުރެވިދާނެ ތަނެއް ކަމަށް ރައީސް ޞާލިޙް ވިދާޅުވިއެވެ.
ރޭ ލ.ގަމުގައި ބޭއްވި ޖަލްސާގައި ގިނަ ބަޔަކު ވަނީ ބައިވެރިވެފައިވެއެވެ. ސަރުކާރުގެ ބައެއް އިސްވެރިންނާއި ކޯލިޝަންގެ އިސްވެރިންވެސް ވަނީ ބައިވެރިވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
