ތިން އަހަރުގެ ކުއްޖަކަށް ޖިންސީ ގޯނާކުރި މީހަކު 20 އަހަރަށް ޖަލަށް
ތިން އަހަރުގެ ކުއްޖަކަށް ޖިންސީ ގޯނާކުރި މީހަކު 20 އަހަރަށް ޖަލަށް ލާން ހުކުމްކޮށްފި އެވެ.
މިއީ ހއ. ހޯރަފުށީ، ހުދުހުދުގެ މުޙައްމަދު ނާއިޝް އުމުރުން ތިން އަހަރުގެ ކުޑަކުއްޖަކަށް ޖިންސީ ގޯނާކުރި މައްސަލައަކާއި ގުޅިގެން ދައުލަތުން އޭނާގެ މައްޗަށް ކުރި ދައުވާތަކެއް ސާބިތުވެ އިއްވި ހުކުމެކެވެ. އޭނާ ވަނީ 2025 ވަނަ އަހަރުން ފެށިގެން އެކި ދުވަސްމަތީން އެ ކުއްޖާއާއެކު ޖިންސީ އަމަލު ހިންގާފަ އެވެ.
އޭނާގެ މައްޗަށް އުފުލީ ކުޑަކުއްޖަކާއެކު ޖިންސީ އަމަލެއް ހިންގުމުގެ ދައުވާ އެވެ. އެ ދައުވާ ސާބިތުވާ ކަމަށް ކަނޑައަޅާ 20 އަހަރަށް ޖަލަށްލާން ކޯޓުން ވަނީ ހުކުމްކޮށްފަ އެވެ. އަދި އޭނާ ޖަލުގައި ހޭދަކުރި މުއްދަތު އުނިކުރުމުން ދެން ތަންފީޒު ކުރަން ޖެހޭނީ 18 އަހަރާއި ހަތް މަހާއި 28 ދުވަހުގެ ޖަލު ހުކުމެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
