ތިނަދުއާއި ކުޅުދުއްފުށީގައި 100 އެނދުގެ ޓާޝަރީ ހޮސްޕިޓަލް އަޅަން އެއްބަސްވެއްޖެ!
ގދ ތިނަދޫއާއި ހދ ކުޅުދުއްފުށީގައި 100 އެނދުގެ ދެ ޓާޝަރީ ހޮސްޕިޓަލެއް އެޅުމަށް ޗައިނާގެ ކުންފުންޏަކާއި އެކު ސޮއިކޮށްފިއެވެ.
ތިރީސް އަށް މިލިއަން ޑޮލަރުގެ އަގަކަށް އެ މަސައްކަތް ކުރުމަށް ހަވާލުކޮށްފައިވަނީ ޗައިނާ ނޭޝަނަލް އިލެކްޓްރިކް އިންޖިނިއަރިން ކޮމްޕެނީ ލިމިޓެޑާ އެވެ.
ހެލްތު މިނިސްޓްރީން ބުނީ އިއްޔެ އެ ކުންފުންޏާ ހަވާލުކުރީ އެމަސައްކަތް ފަށާތާ ދެ އަހަރާއި ހަ މަހުން ނިންމަން ޖެހޭ ގޮތަށް ކަމަށެވެ.
އެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ސީނިއާ އެކްޒެކެޓިވް އަބްދުލްހައްނާން ހުސެއިނެވެ. ޗައިނާ ކުންފުނީގެ ފަރާތުން ސޮއިކުރެއްވީ އެ ކުންފުނީގެ ވައިސް ޕްރެސިޑެންޑް ޖިންހުއި އެވެ.
ރާއްޖެގެ ފަސް ސަރަހައްދެއްގައި ފަސް ޓާޝަރީ ހޮސްޕިޓަލެއް އެޅުމަކީ މިހާރު މިހިނގާ ސަރުކާރުގެ ވަޢުދެކެވެ. އެ ހޮސްޕިޓަލުތައް އެޅުމަށް ރާވައިފައިވަނީ ކުޅުދުއްފުއްޓާއި ތިނަދޫގެ އިތުރުން، ރ. އުނގޫފާރާއި އަދި ލ. ގަމުގަ އެވެ. އައްޑޫގެ ޓާޝިއަރީ ހޮސްޕިޓަލް ވަނީ 2020 ގައި ހުޅުވައިފަ އެވެ.
ކުޅުދުއްފުއްޓާއި ތިނަދޫގައި މިހާރު ވެސް ހޮސްޕިޓަލް ހުންނައިރު އެ ތަންތަނުގެ ޚިދުމަތް ރަނގަޅު ކުރުމަށް މި ސަރުކާރުން ވަނީ އިތުރު ޚިދުމަތްތައް ވެސް ތަރައްޤީކޮށްފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
