ހުޅަނގު އައްސޭރީގައި ހައްޔަރު ކުރާ ފަަލަސްޠީނުގެ މީހުންނަށް އިޒްރާއިލް ސިފައިން އަނިޔާކުރަނީ

ފަލަސްޠީނުގެ ހުޅަނގުއައްސޭރިން އިޒްރާއިލް ސިފައިން ހައްޔަރުކުރަމުންދާ ފަަލަސްޠީނުގެ ރައްޔިތުންނަށް އަނިޔާކުރާ މަންޒަރު ދައްކުވައިދޭ ވީޑިއޯއެއް ޤުދްސް ނެޓްވޯކުން ޢާންމުކޮށްފިއެވެ.

ޤުދްސް ނެޓްވޯކުން ޢާންމުކޮށްފައިވާ ވީޑިއޯގައި ދައްކުވައިދެނީ ހިބްރޫން ކައިރީގައި އޮންނަ ހުސް ސަރަހައްދަކަށް އިޒްރާއިލްގެ ސިފައިން ހައްޔަރުކޮށްފައިވާ ފަލަސްޠީނުގެ ރައްޔިތުން އަތާއި ފައި އަދި ލޯ މަތީގައި ފޮތި އައްސައި ކޮޅިފައިންނާއި އަތުން ތަޅައި އަނިޔާކުރާ ތަނެވެ.

އޮކްޓޫބަރ 7 ވަނަ ދުވަހު ޣައްޒާގައި އިޒްރާއިލުން ހަމަލާދޭން ފެށިފަހުން ހުޅަނގު އައްސޭރިން 1600 މިހަކު ވަނީ ހައްޔަރު ކޮށްފައެވެ.

އިޒްރާއިލުން ފަަލަސްޠީނުގެ ރަހީނުންނާއި މެދު މިހެން ޢަމަލު ކުރަމުންދާއިރު ފަލަސްޠީނުގެ ހަނގުރާމަވެރިން ރަހީނުކޮށްގެން ގެންދިޔަ އިޒްރާއިލްގެ ޔަހޫދީންނާއި މެދު ޢަމަލު ކުރަމުންދަނީ ވަރަށް ހެޔޮކޮށެވެ.

އެގޮތުން ފަލަސްޠީނުގެ ހަނގުރާމަވެރިން ރަޙީނުކުރި، އިޒްރާއިލްގެ ޔަހޫދީ އަންހެނަކު އޭނާ މިނިވަން ކުރުމުން އަނބުރާ ޢާއިލާގެ ގާތައް ދިޔުމުގެ ކުރިން ހަނގުރާމަވެރިންނާއި ސަލާން ކުރި މަންޒަރަށް ގިނަ ބައެއްގެ ސަމާލުކަން ހުއްޓިގެން ދިޔައެވެ.

ހަނގުރާމަވެރިން ރަހީނު ކުރުމަށް ފަހު ދޫކޮށްލުމުން މީޑީއާ އަކުން ވަނީ އެމީހުންނާއި ވަކިވެގެން އަންނަމުން ހަނގުރާމަވެރިންނާއި އޭނާ ސަލާމް ކުރި ސަބަބާއި މެދު ވަނީ ސުވާލު ކޮށްފައެވެ.

އެސުވާލަށް ޖަވާބުދެމުން އޭނާ ބުނެފައިވަނީ އެމީހުންނާއި ވަކިވެގެން އައުމުގެ ކުރިން އެމީހުންނާއި ސަލާން ކުރީ ހަނގުރާމަވެރިން އެމީހުންނާއި މެދު ހެޔޮކޮށް ކަންކަންކޮށްފައި ވާތީ ކަމަށެވެ.

މީޑިއާ ތަކާއި ވާހަކަ ދައްކަމުން ޔޮކަވެދް ބުނެފައިވަނީ ހަނގުރާމަވެރިން އެމީހުންނާއި މެދު ކަންކޮށްފައިވަނީ ވަރަށް ހެޔޮކޮށް ކަމަށެވެ.

ޔޮކަވެދް ބުނީ ހަނގުރާމަވެރިން އެމީހުންނަށް ކާން ދެނީ އެމީހުންވެސް ކާއެއްޗެއް ކަމަށާއި، އެމީހުންގެ ބޭނުންތައް ފުއްދައިދިނުމަށް ޚާއްސަ ސަމާލުކަމެއް އެމީހުން ދިން ކަމަށެވެ.