މީހަކު ނިދަން އޮށޯވެ
މީހަކު ނިދަން އޮށޯވެ
ލައިފްސްޓައިލް 29 Sep 2026 | 09:58

އަރާމު ނިންޖަކަށް އެންމެ އެކަށޭނަ ބާލީސް ހޯދާނީ ކިހިނެއް؟

އެއާޕޯޓްތަކުން ދަބަސްތައް ދަމަމުން ދާއިރު، ކިހިލިޖަހައިގެން ބާލީސް ހިފައިގެންދާ މީހުން ތިޔައިގެ ތެރެއިން ބައެއް މީހުންނަށް ފެނިފައި ހުންނާނެއެވެ. ނުވަތަ ތިޔައީ ވެސް އަމިއްލަ ބާލީސް ނެތި ނުނިދޭ މީހަކަށް ވެދާނެއެވެ. މެންޗެސްޓާ ސްކޫލް އޮފް ފިޒިއޮތެރަޕީގެ އެސޯސިއޭޓް ޕްރޮފެސަރެއް ކަމަށްވާ ޑރ. ކްރިސް މެކާތީ ވިދާޅުވާ ގޮތުގައި އޭނާއަކީ ވެސް އެފަދަ މީހެކެވެ. މިއީ މާބޮޑަށް ކަންތައް ބޮޑުކުރުމެއް ނޫނެވެ؛ ފިޒިއޮތެރަޕިސްޓެއްގެ ހައިސިއްޔަތުން އޭނާއަށް ދެކޭގޮތުގައި ނުގުޅޭ ބާލީހެއް ބޭނުންކުރުމަކީ ކަރަށް ލިބޭ ބޮޑު ވޭނެކެވެ.

ހޮޓާތަކަށް ގޮސް ބާލީސް ހުންނަ ގޮތުން އުނދަގޫވާނަމަ، އަދި އަމިއްލައަށް އެންމެ އެކަށޭނަ ބާލީހެއް އިޚްތިޔާރު ކުރަން ބޭނުންނަމަ، ޑރ. މެކާތީ ހިއްސާކުރައްވާ މުހިންމު އިރުޝާދުތަކަކީ މިއީއެވެ.

ނިދާ ކޮޅާއި ބާލީހުގެ ގުޅުން

ބީބީސީގެ "ސްލައިސްޑް ބްރެޑް" ޕޮޑްކާސްޓްގައި ވާހަކަދައްކަވަމުން ޑރ. މެކާތީ ވިދާޅުވީ، ރަނގަޅު ބާލީހެއް ކަނޑައެޅެނީ މީހަކު ނިދަން އޮންނަ ގޮތެއްގެ މައްޗަށެވެ. އާންމުކޮށް މީހުން ނިދަނީ އަރިއަކަށް، އުއްޑުން ނުވަތަ ބަނޑުވަތަށެވެ.

ބަނޑުވަތަށް ނިދުން: ޑރ. މެކާތީ މިގޮތަށް ނިދުން މުޅިން މަނާކުރައްވައެވެ. ސަބަބަކީ ބަނޑުވަތަށް އޮންނައިރު ކަނދުރާ އެއްފަރާތަކަށް އަނބުރައިގެން ގިނައިރު އޮންނަން ޖެހުމުން މަސްތަކަށާއި ލިގަމެންޓްތަކަށް ވާންވެ، ތަދު އުފެދޭތީއެވެ. މައިބަދައިގެ ރިހުމަށް ފަރުވާދޭ އެންމެންވެސް އެއްބަސްވާ އެއް ކަމަކީ ބަނޑުވަތަށް ނުނިދުމެވެ.

އުއްޑުން ނިދާ މީހުން: މިފަދަ މީހުން ބާލީސް ހޮވުމުގައި ބަލަންޖެހޭނީ ބުރަކަށީގެ މަތީބައި ލެނބިފައި ހުންނަ މިންވަރަށެވެ. އުމުރުން ދުވަސްވާ ވަރަކަށް މި ބައި ބޮޑަށް ގުދުވާތީ، ގުދުކަން ބޮޑު މީހުންނަށް ބޭނުންވާނީ ތަންކޮޅެއް ބޯ (ތިކް) ބާލީހެކެވެ.

އަރިއަށް ނިދާ މީހުން: މިއީ އެންމެ ބޮޑަށް ސަމާލުވާންޖެހޭ ފަރާތްތަކެވެ. މިފަދަ މީހުން ބަލަންޖެހޭނީ އެމީހެއްގެ ކޮނޑުގެ ފުޅާމިނަށެވެ. ކޮނޑު ފުޅާވި ވަރަކަށް ބާލީސް ބޯވާން ޖެހޭނެއެވެ. އަދި ބޭނުންކުރާ ގޮދަޑީގެ މަޑުމިނަށް ވެސް ވިސްނަންވާނެއެވެ. ހަރު ގޮދަޑިއެއްނަމަ ކޮނޑު ނުވަންނާތީ ބޯ ބާލީހެއް ބޭނުންވާއިރު، މަޑު ގޮދަޑިއެއްނަމަ ކޮނޑު އެތެރެއަށް ވަންނާތީ ބޭނުންވާނީ ތުނި ބާލީހެކެވެ.

ބާލީހުގެ އުސްމިން ބަދަލުކުރުމަށް ފަސޭހަ އުކުޅެއް

އަތުގައި އޮތް ބާލީސް މާ ތުނިހެން ހީވާނަމަ، ބާލީހުގެ ދަށަށް ފަށްޖަހާފައިވާ ތުވާއްޔެއް ލައްވާލައިގެން އުސްމިން އެޖަސްޓް ކުރެވިދާނެއެވެ. މި އުކުޅުގެ އެހީގައި އަމިއްލައަށް އެންމެ އަރާމު އުސްމިން ދެނެގަނެ، އައު ބާލީހެއް ގަންނަން ފަސޭހަވާނެއެވެ. އަދި އަރިއަރަށް ނިދާއިރު ކަރަށް އިތުރު އެހީތެރިކަމެއް ދިނުމަށްޓަކައި ތުވާލި އޮޅާލައި، ބާލީހުގެ ތިރީ ކައިރީގައި ބޭއްވިދާނެއެވެ. މީގެ މައިގަނޑު ބޭނުމަކީ މައިބަދަ ސީދާކޮށް ބެހެއްޓުމެވެ.

ބާލީސް ތައްޔާރުކޮށްފައިވާ މެޓީރިއަލް

ދޫނިފިޔަ: މިއީ ހޫނު މޫސުމުގައި ބޮލުގެ ދާހިއްލުމާއި ހޫނުކަން ބޭރުކޮށް، ފިނިކޮށްދޭ އެއްޗެކެވެ. ނަމަވެސް، ރޭގަނޑު މީހާ ހަރަކާތްކުރާ ވަރަކަށް ފަތްތައް އެއްފަރާތަކަށް ޖަމާވެ، ބާލީހުގެ ބައްޓަން ގެއްލި ކަރަށް އުނދަގޫވުމުގެ ފުރުސަތު އޮވެއެވެ.

ހޮލޯފައިބާ އަދި މައިކްރޯފައިބާ: މިއީ ބައްޓަން ރަނގަޅަށް ހިފަހައްޓައިދޭ މާއްދާތަކެކެވެ. ނަމަވެސް ދޫނިފަތްހާ ފިނިކޮށްދިނުމުގެ ގާބިލުކަން ކުޑަވާނެއެވެ.

ފޯމް : ޑރ. މެކާތީ އަމިއްލައަށް ވެސް ބޭނުންކުރައްވަނީ ވައިދައުރުވާ ގޮތަށް ހުންނަ ފޯމް ބާލީހެކެވެ. މިއީ ބައްޓަން ނުގެއްލި ގިނަ ދުވަހު ހިފަހައްޓައިދޭ އެއްޗެކެވެ.

ޑރ. މެކާތީ ފާހަގަކުރައްވާ ގޮތުގައި، އެންމެންނަށް އެއްގޮތަކަށް ފެތޭނެ ވަކި ޚާއްސަ އެއް ބާލީހެއް ނުހުންނާނެއެވެ. ބާޒާރުގައި ވިއްކާ އެކި ބާވަތުގެ "އޮތޮޕީޑިކް" ބާލީސްތަކަކީ ވެސް އެންމެންނަށް އަރާމު އެއްޗަކަށް ނުވެދާނެއެވެ. އެހެންކަމުން ތިމާގެ ހަށިގަނޑާއި ނިދާ ގޮތަށް އެންމެ އެކަށޭނަ ބާލީހެއް ހޯދުމަށް އޭނާ އިރުޝާދު ދެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ގަމު ރީޖަނަލް ހޮސްޕިޓަލް އައިސީޔޫ ރޫމްގެ ސީލިންގެ ބައެއް ވެއްޓިއްޖެ
21 Nov 2026 ހަބަރު

ގަމު ރީޖަނަލް ހޮސްޕިޓަލް އައިސީޔޫ ރޫމްގެ ސީލިންގެ ބައެއް ވެއްޓިއްޖެ

އައިސީޔޫގެ ސީލިންގު ވެއްޓިފައިމިވަނީ އެތަނުން ފެން ލީކްވުމުގެ މައްސަލަތަކެއްވެސް ފެންމަތިވެފައި ވަނިކޮށެވެ. އެގޮތުން ސީލިންގުން ފެން ލީކުވާތާ އަހަރެއްހާދުވަސް ވެފައިވާކަމަށް މައުލޫމާތު ލިބެއެވެ

ހޫނު މޫސުމުގައި ބޮލުން އިސްތަށި ފޭބުން: ސަބަބުތަކާއި ރައްކާތެރިވާނެ ގޮތްތައް
16 Nov 2026 ލައިފްސްޓައިލް

ހޫނު މޫސުމުގައި ބޮލުން އިސްތަށި ފޭބުން: ސަބަބުތަކާއި ރައްކާތެރިވާނެ ގޮތްތައް

ހޫނު މޫސުމަކީ ގަދަ ހޫނާއި ވައިގެ ތެތްކަން މަތިވެގެންދާ ދުވަސްވަރެކެވެ. މިއީ އިސްތަށިގަނޑަށް އެކި ގޮތްގޮތުން ގޮންޖެހުންތަކާ ކުރިމަތިލާންޖެހޭ ދުވަސްވަރެއްވެސް މެއެވެ. މި މޫސުމުގައި އަންހެނުންނާއި ފިރިހެނުންގެ ވެސް ބޮލުން އިސްތަށި ފޭބުން އިތުރުވެ، އެކަމުގެ ކަންބޮޑުވުމާ ކުރިމަތިލާން ޖެހެއެވެ.

ރާއްޖޭގައި ހަކުރުބަލީގެ އާބާދީ 7،000 އަރައިފި
14 Nov 2026 ހަބަރު

ރާއްޖޭގައި ހަކުރުބަލީގެ އާބާދީ 7،000 އަރައިފި

މި ދުވަހާ ގުޅިގެން އެ އިދާރާއިން ނެރުނު ބަޔާނުގައި ވަނީ، ގައިންގަޔަށް ނާރާ ބަލިތަކަކީ ރާއްޖޭގެ ސިއްހީ ނިޒާމަށް ކުރިމަތިވެފައިވާ ބޮޑު ގޮންޖެހުމެއްކަން ފާހަގަކޮށްފައެވެ. އަދި މި ބަލި ރާއްޖޭގައި މިހާރު އޮތް ހާލަތު ވަނީ ސާފްކޮށް ބަޔާންކޮށްދީފައެވެ.

ފުރަމޭގައި ސަރުބީ ޖެހުމުން ރައްކާތެރިވުމަށް ކެއުމުގައި ބޭނުންކުރެވިދާނެ 5 ބާވަތެއް
11 Nov 2026 ލައިފްސްޓައިލް

ފުރަމޭގައި ސަރުބީ ޖެހުމުން ރައްކާތެރިވުމަށް ކެއުމުގައި ބޭނުންކުރެވިދާނެ 5 ބާވަތެއް

ފުރަމޭގައި ސަރުބީ ޖެހުން ނުވަތަ "ފެޓީ ލިވަރ ޑިޒީޒް" އަކީ މިއަދު ދުނިޔޭގެ އެތައް މިލިއަން ބަޔަކަށް ކުރިމަތިވަމުން އަންނަ އާންމު ޞިއްޙީ މައްސަލައެކެވެ. ނަމަވެސް، މި ބައްޔާ ދެކޮޅަށް މަސައްކަތްކުރުމުގައި އަޅުގަނޑުމެން ކެއުމަށް ބޭނުންކުރާ ތަކެތީގެ މުހިންމުކަން ގިނަ މީހުންނަށް ނޭނގެއެވެ. އަޅުގަނޑުމެން ކާބޯތަކެތީގެ ސަބަބުން ފުރަމޭގެ ދުޅަހެޔޮކަމަށް ވަރަށް ބޮޑު އަސަރެއް ފޯރުވައެވެ.

60 ސްޓޯލާއެކު މި އަހަރުގެ ހެލްތް އެންޑް ފެމިލީ އެކްސްޕޯ ފަށައިފި
05 Nov 2026 ހަބަރު

60 ސްޓޯލާއެކު މި އަހަރުގެ ހެލްތް އެންޑް ފެމިލީ އެކްސްޕޯ ފަށައިފި

މާލެއާއި އަތޮޅުތަކުގެ ހޮސްޕިޓަލްތައް ހިމެނޭހެން، ޞިއްޙީ ދާއިރާގައި ހަރަކާތްތެރިވާ 60 އަށްވުރެ ގިނަ ޖަމުޢިއްޔާ ޖަމާޢަތްތަކުން ބައިވެރިވެ އެވެ.

ކޮރެއަން ސްކިންކެއާގެ މަގުބޫލުކަން މުޅި ދުނިޔެއަށް ފެތުރިގެންދިޔައީ ކީއްވެ؟
05 Nov 2026 ލައިފްސްޓައިލް

ކޮރެއަން ސްކިންކެއާގެ މަގުބޫލުކަން މުޅި ދުނިޔެއަށް ފެތުރިގެންދިޔައީ ކީއްވެ؟

ކުރިން ކޮރެއާގައި އެކަނި މަގުބޫލުކަން އޮތް މި އުފެއްދުންތައް މިއަދު ދުނިޔޭގެ އެކި ކަންކޮޅުތަކުގައި ދިރިއުޅޭ މީހުންގެ އާންމު ދިރިއުޅުމުގެ ބަޔަކަށް ވެފައިވާއިރު، މިއީ ހަމައެކަނި ވަގުތީ ޓްރެންޑެއް ނޫނެވެ. މި އުފެއްދުންތަކަށް އޮތް ޑިމާންޑް ދުވަހުން ދުވަހަށް އިތުރުވަމުންދަނީ އެއިން ލިބޭ ހަގީގީ ނަތީޖާއާއި އޭގެ ފަހަތުގައިވާ ސިއްހީ ފައިދާތަކުގެ ސަބަބުންނެވެ.