ފަހަތުން އަރައި، ފިއްލަދޫ އަތުން ކުޅުދުއްފުށި މޮޅުވެއްޖެ

މުރައިދޫގައި ކުރިއަށްދާ "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި ރޭ ވިއްލަދޫ އާއި ކުޅުދުއްފުށި ބައްދަލުކުރިމެޗް ކުޅުދުއްފުށި ކާމިޔާބުކޮށްފިއެވެ.

މިމެޗް ކުޅުދުއްފުށިން ކާމިޔާބުކުރީ ފަހަތުން އަރައި 3-1 ސެޓުންނެވެ. މިމެޗްގެ ފުރަތަމަ ސެޓް ކުރިން ހީކުރިގޮތާ ހިލާފަށް ގެންދިޔައީ 23-25 ހުންނެވެ. މެޗްގެ ދެންހުރި ސެޓްތައް ކުޅުދުއްފުށިން ގެންގޮސްފައިވަނީ، 25-13، 25-21 އަދި ފަހުސެޓް 25-23 ހުންނެވެ.

މިމެޗްގެ މޮޅު ކުޅުންތެރިޔާގެ މަގާމް ހޯދާފައިވަނީ މިދިޔަ މެޗްގައިވެސް މޮޅު ކުޅުންތެރިޔާގެ މަގާމް ހޯދި ކުޅުދުއްފުށި ޓީމްގެ އަލީ ވަހީދެވެ.

މި މުބާރާތުގައި މިއަދުވެސް ދެ މެޗެއް ކުޅުމަށް ވަނީ ހަމަޖެހިފައެވެ. ފުރަތަމަ ހަވީރު ކުޅޭ މެޗްގައި ބައްދަލުކުރާނީ ފިނޭ އާއި ކެލާ އެވެ. މިރޭ ކުޅޭ މެޗްގައި ބައްދަލުކުރާނީ ހަނިމާދޫ އާއި ވަށަފަރެވެ.