ކެލާ ބަލިކޮށް ފިނޭއިން އުއްމީދު އާކޮށްފި

"މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި މިއަދު ހަވީރު ފިނޭ އާއި ކެލާ ބައްދަލުކުރިމެޗް ފިނޭ ކާމިޔާބުކޮށްފިއެވެ.

ކެލާގެ މައްޗަށް މި މެޗްގައި ފިނޭއިން ކުރި ހޯދީ ވަރަށް ވާދަވެރި ކުޅުމަކަށްފަހު 2-3 ކުން މެޗް ކާމިޔާބުކޮށްގެންނެވެ. އެންމެފަހުން ހަނިމާދޫ އާ ދެކޮޅަށް ކުޅުނު މެޗުްނ ފިނޭ ބަލިވެފައިވާތީވެ، މިއަދުގެ މެޗަށް އެޓީމް ނިކުތީ މެޗުން މޮޅުވުމުގެ އަޒްމުގައެވެ.

ކެލާ އާ ދެކޮޅަށް ފިނޭ ކުޅުނު މެޗް ކާމިޔާބުކުރުމާއެކު އެޓީމް ވަނީ މިހާތަނަށް ކުޅުނު ތިން މެޗްގެ ތެރެއިން ދެ މެޗް ކާމިޔާބުކޮށްފައެވެ. މުބާރާތުގައި އެންމެ ފުރަތަމަ އެޓީމް ނިކުތީ މުބާރާތް ބާއްވާ މުރައިދޫއާ ދެކޮޅަށެވެ އެމެޗުން ފިނޭ މޮޅުވީ ސީދާ ތިންސެޓުންނެވެ.

މިއަދު ހަވީރު ކެލައާ ދެކޮޅަށް ފިނޭ ކުޅުނު މެޗްގެ މޮޅު ކުޅުންތެރިޔާގެ މަގާމް ހޯދީ އަލީ އަބްދުﷲ އެވެ.

"މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި މިފަހަރު ޖުމްލަ 10 ރަށަކުން ވާދަކުރެއެވެ. އެ އެއީ މުބާރާތް ބާއްވާ މުރައިދޫގެ އިތުރުން ކެލާ، ހަނިމާދޫ، ވަށަފަރު، ފިނޭ، ފިއްލަދޫ، ދިއްދޫ، ކުޅުދުއްފުށި، ނޮޅިވަރަމް އަދި ބާރަށެވެ.

މުބާރާތުގެ މެޗުތައް ކުރިއަށްދާނީ ގްރޫޕް ސްޓޭޖުގައި ރައުންޑް އުސޫލުން ކުޅުމަށްފަހު، އެންމެ މޮޅު 8 ޓީމު ކުއާޓާ ފައިނަލަށް ދަތުރުކުރާ ގޮތަށެވެ. މި މުބާރާތުގެ މެޗުތައް ކުޅުމަށް ހަމަޖެހިފައިވަނީ ކޮންމެ ދުވަހަކުވެސް ހަވީރާއި ރޭގަނޑުގެ ވަގުތުތަކުގައެވެ.