އެމްޖީ ސްޕޯޓްސް އެކަޑެމީގެ ހޭންޑްބޯލް ޕްރޮގުރާމުގައި ބައިވެރިވުމުގެ ފުރުސަތު ހުޅުވާލައިފި

އެމްޖީ ސްޕޯޓްސް ކުލަބުގެ ފަރާތުން އިންތިޒާމްކޮށްގެން ކ.ކާށިދޫގައި ކުރިއަށް ގެންދިއުމަށް ހަމަޖެހިފައިވާ އަންހެން ހޭންޑްބޯލް ޓްރެއިނިންގ ޕްރޮގްރާމުގައި ބައިވެރިވުމުގެ ފުރުސަތު އެކުލަބުން ހުޅުވާލައިފި އެވެ.

އެމްޖީ ސްޕޯޓްސް ކްލަބުން ނެރެފައިވާ އިއުލާނެއްގައިވާ ގޮތުން އެކުލަބުން ކ.ކާށިދޫގައި ކުރިއަށް ގެންދާ 'އެމްޖީ ސްޕޯޓްސް އެކަޑެމީގެ ހޭންޑްބޯލް ޕްރޮގުރާމް" ގައި ދަރިވަރުން ބައިވެރިކުރުމަށް ބޭނުންވާ ބެލެނިވެރިންނަށް އަދި ބައިވެރިވުމަށް ބޭނުންވާ ދަރިވަރުންނަށް އެ ފުރުސަތު 11 މާރިޗު 2024 ވީ ހޯމަ ދުވަހުން ފެށިގެން ވަނީ ހުޅުވާލެވިފައެވެ.

އެގޮތުން މި ޕްރޮގްރާމްގައި ބައިވެރިވުމުގެ ފުރުސަތު ގުރޭޑް 1 ފެށިގެން ގުރޭޑް 10 ގައި ކިޔަވަމުންދާ އަންހެން އަންހެން ދަރިވަރުންނަށް ވަނީ ހުޅުވާލެވިފައެވެ.

ވީމާ މި ޕްރޮގްރާމްގައި ދަރިވަރުން ބައިވެރިކުރުމަށް ޝައުގުވެރިވެލައްވާ ބެލެނިވެރިން " އެމްޖީ ސްޕޯޓްސް ކްލަބުގެ އެކަޑަމީގައި ރަޖިސްޓަރީ ވުމަށް އެދޭ ފޯމު" ފުރިހަމަ ކުރެއްވުމަށްފަހު 20 މާރިޗު 2024 ވާ ބުދަދުވަހުގެ 18:00 ގެ ކުރިން އެކުލަބަށް ހުށަހެޅުއްވުމަށް ވަނީ އެދިފައެވެ.

މިޕްރޮގްރާމްގައި ބައިވެރިވުމަށް އެދޭ ފޯމު ނެގުމާއި ހުށަހެޅުއްވުމުގެ ކަންކަން ކުރިއަށް ގެންދެވުމަށް ކުލަބުގެ އިވެންޓް ކޯޑިނޭޓަރު އައިމަން މުހައްމަދު ( ފޯން ނަންބަރު : 7864088 / 9391646 ) އާއި ގުޅުއްވައިގެން ކުރިއަށް ގެންދިއުމަށް ކުލަބުން އެދިފައި ވެއެވެ.

މީގެ އިތުރުން އޮންލައިންކޮށް ފޯމު ހުށަހެޅުއްވުމަށް ބޭނުންފުޅުވާ ފަރާތްތަކަށް ކުލަބުގެ ރަސްމީ ފޭސްބުކު ޕޭޖުން އަދި އިންސްޓަގްރާމް އެކައުންޓުން ފޯމުގެ ލިންކް ލިބިވަޑައިގަންނަވާނެއެވެ.