ވާދަވެރި ކުޅުމަކަށްފަހު ކުއީން ބަލިކޮށް ނެޓް އެޓޭކާސް ފައިނަލުން ޖާގަހޯދައިފި

މިހާރު ކުރިއަށްދަ "މައިލޯ ރަމަޒާން ހާފުކޯޓް ނެޓްބޯޅަ ޗެލެންޖް 2025" ގައި އަންގާރަ ދުވަހުގެ ރޭ ކުޅެވުނު އޯޕަން ކެޓަގެރީ ސެމީފައިނަލް ފުރަތަމަ މެޗުގައި ވާދަވެރި ކުޅުމަކަށްފަހު ކުއީން ބަލިކޮށް ނެޓް އެޓޭކާސް އިން މުބާރާތުގެ ފައިނަލުން ޖާގަހޯފައިފިއެވެ.

ނެޓް އެޓޭކާސް މުބާރާތުގެ ސެމީފައިނަލުން ޖާގަހޯދީ ކުޅުނު ހަ މެޗުން ވެސް މޮޅުވެ 18 ޕޮއިންޓާއެކު ލީގުބުރުގެ އެއްވަނަ ޓީމުގެ ގޮތުގައެވެ. އަދި ކުއީން ސެމީފައިނަލުން ޖާގަހޯދީ ކުޅުނު ހަ މެޗުން ހޯދި ނުވަ ޕޮއިންޓާއެކު ލީގު ބުރުގެ ހަތަރުވަނަ ޓީމުގެ ގޮތުގައެވެ. އަދި މިދެޓީމު ލީގުބުރުގައި ވާދަކުރި މެޗު 15-5 ގެ ނަތީޖާއަކުން ކާމިޔާބުކުރީ ނެޓް އެޓޭކާސް އެވެ.

ރޭގެ މެޗުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، މިމެޗު ނެޓް އެޓޭކާސް އިން ކާމިޔާބުކުރީ ހަތަރު ޕޮއިންޓްގެ ލީޑަކާއެކު 11-7 ގެ ނަތީޖާއަކުންނެވެ.

މާރިޗު 2025 އިން 19 މާރިޗު 2025 ގެ ނިޔަލަށް ކުރިއަށްދާ މިމުބާރާތުގެެ އޯޕަން ކެޓަގަރީގައި ޖުމްލަ ހަތް ޓީމަކުން ވާދަކުރިއިރު، މި ކެޓަގަރީގެ މެޗުތައް ކުރިއަށް ގެންގޮސްފައިވަނީ ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ރަނގަޅު ނަތީޖާއެއް ހޯދާ ހަަތަރު ޓީމު ސެމީފައިނަލަށް ހޮވޭގޮތަށެވެ.