އަގުހުރި އިނާމު ތަކަކާއި އެކު އެސްޓިއޯގެ "ރަމަޒާން ބާޒާރު" ޕްރޮމޯޝަން ފަށައިފި

ކޮންމެ އަހަރަކުވެސް އެސްޓީއޯއިން ކުރިއަށް ގެންދާ އެސްޓިއޯގެ "ރަމަޒާން ބާޒާރު" ޕްރޮމޯޝަން މިއަހަރުވެސް 300،000  ރުފިޔާގެ އަގުހުރި އިނާމު ތަކަކާއި އެކު ފަށައިފިއެވެ.

އެސްޓީއޯއިން ބުނީ މި ޕްރޮމޯޝަން ތެރޭގައި އެސްޓީއޯ ރީޖަނަލް ފިހާރަތަކާއި ޕީޕަލްސް ޗޮއިސްގެ އިން ކުރާ ކޮންމެ 1000 ރުފިޔާގެ ވިޔަފާރިއަކަށް ކޫޕަނެއް ލިބޭނެކަމަށާއި ޕްރޮމޯޝަންގައި ބޭނުން ކުރާނީ ތިމާވެއްޓާ ރައްޓެހި ޑިޖިޓަލް ކޫޕަން ކަމަށެވެ.

މި ޕްރޮމޯޝަންގައި އެސްޓީއޯގެ އައުޓްލެޓް ތަކެއް އެއްކޮށް ތިން ބަޔަކަށް ބަހައިލައިގެން ވަރަށް އަގުހުރި އިނާމުތަކެއް ލިބިގެން ދާނެއެވެ.

އޭގެތެރޭގައި ރޯދަމަހުގެ ކުރިން އެ އައުޓްލެޓް ތަކުން ކުރާ ވިޔަފާރި ތަކަށް 25% އާއި ހިސާބަށް ޑިސްކައުންޓް ލިބިގެންދާއިރު ރޯދަމަހުގެ ކުރިން މި ޕްރޮމޯޝަންގެ ތިން ނަސީބުވެރި ފަރާތެއް ހޮވިގެން ދާނެއެވެ.

އޭގެ ތެރެއިން އެއްވަނަ ފަރާތަކަށް 75،000 ރުފިޔާގެ އަގުހުރި ބަދިގެ ސެޓެއް ލިބިގެން ދާއިރު، ދެވަނަ ފަރާތަކަށް ހޯމްއެޕިލިއެންސް ޕެކޭޖެއް، އަދި ތިންވަނަ ފަރާތަކަށް ތިން ރޫމް އެޕާޓްމެންޓުގައި ނިޕޯޕެއިންޓުގެ ކުލަ އަދި ކުލަ ލާ ދިނުމަށް ހަމަޖެހިފައިވާކަމަށް އެސްޓީއޯއިން މައުލޫމާތު ދެއެވެ.

ރޯދަ މަހުގެ ތެރޭގައި މި ޕްރޮމޯޝަންގެ ދަށުން ކޮންމެ ހަފުތާއަކު ނަސީބުވެރި ފަރާތެއް ހޮވާ، 2500 ރުފިޔާގެ ގިފްޓް ވައުޗާއެއް ލިބިގެން ދާނެއެވެ. އަދި  މުޅި ޕްރޮމޯޝަން ނިމުމުން ތިން ނަސީބުވެރި ފަރާތެއް ހޮވުމަށް އެސްޓީއޯއިން ވަނީ ނިންމާފައެވެ.

މިގޮތުން އެއްވަނަ އިނާމަށް ތުރުކީ ދެކޮޅު ޓިކެޓް ދެމީހަކަށް ލިބިގެން ދާއިރު، ދެވަނަ ނަސީބުވެރި ފަރާތަކަށް ހޯމް އެޕިލިއެންސް  ޕެކޭޖެއް ލިބޭ އިރު، ތިންވަނަ ފަރާތަކަށް 65″ ފިލިޕްސް ޓީވީ އެއްލިބިގެން ދާނެއެވެ.

އެސްޓީއޯއިން ބުނީ އެހެން އަހަރުތަކާ ހިލާފަށް މިއަހަރުގެ ޕްރޮމޯޝަންގެ ތެރޭގައި ކޮންމެ ހަފުތާއެއްގެ ބުރާސްފަތި ދުވަހުގައި  ކުންފުނީގެ ޕްރޮޑަކްޓް ބޭނުން ކުރާ ގޮތް ދައްކާލުންތައް ކުރިޔަށް ދާނެ ކަމަށާއި އެ ގަޑީގައި ކަސްޓަމަރުން އަމިއްލައަށް ޕްރޮޑަކްޓް ތަޖުރިބާކުރުމުގެ ފުރަސަތު ލިބި، އެޕްރޮޑަކްޓުން ހާއްސަ ޑިސްކައުންޓެއް ލިބިގެންދާނެއެވެ.މީގެ އިތުރުންވެސް ކޮންމެ ހަފުތާއަކު ހުކުރު ،ހޮނިހިރު ދުވަހު ބައެއް ސެލެކްޓިވް އައިޓަމްސްތަކުންވެސް ޑިސްކައުންޓު ލިބިގެން ދާނެކަމަށް ވެސް އެސްޓީއޯއިން މައުލޫމާތު ދެއެވެ.

އީ ސްޓޯރުން މެދުވެރި ކޮށް ވެސް ޕްރޮމޯޝަން ޕްރޮޑެކްޓު ލިބިގެން ދާނެ އިންތިޒާމް ހަމަޖައްސާފައިވާއިރު ފުރިޖު އަދި ދޮންނަ މެޝިންފަދަ އައިޓަމްތައް ގަތުމުން ޑެލިވަރީ އެސްޓީއޯއިން ކޮށްދޭނެއެވެ.

އެސްޓީއޯ ޕީޕަލްސް ޗޮއިސް އާއި ރީޖަނަލް ފިހާރަތަކުގައި ރަމަޒާން ބާޒާރު ކުރިޔަށްދާނީ 15 ޖެނުއަރީ އިން ފެށިގެން 11 އެޕްރީލް އަށް ކަމަށް އެސްޓީއޯއިން މައުލޫމާތު ދެއެވެ.