އޭޝިއަންކަޕް ކޮލިފައިންގައި ވާދަކުރާ ޤައުމީ ފުޓްސަލް ޓީމް ފުރައިފި

އޭޝިއަންކަޕް ކޮލިފައިންގައި ވާދަކުރުމަށް ރާއްޖޭގެ ޤައުމީ ފުޓްސަލް ޓީމް މިއަދު މިޔަންމާއަށް ފުރައިފިއެވެ.

މުބާރާތުގެ ކޮލިފައިން މެޗްތައް މިމަހުގެ 24 ވަނަ ދުވަހު ކުރިއަށްގެންދިއުމަށް ތާވަލްކޮށްފައިވާއިރު، ރާއްޖެ ކުޅޭ ފުރަތަމަ މެޗް އޮންނާނީ މިމަހުގެ 20 ވަނަ ދުވަހު އަފްޢާނިސްތާނާ ދެކޮޅަށެވެ. އޭގެފަހުން ރާއްޖެ ނިކުންނާނީ މިޔަންމާއާ ދެކޮޅަށެވެ.

ގައުމީ ފުޓްސަލް ސްކޮޑްގައި މިފަހަރު ހިމެނޭ ކުޅުންތެރިންނަކީ އަހްމަދު އަޔާޒް، ޝާމިން މުހައްމަދު، އަލީ ޝިޔާހް، އިސްމާއިލް ވަޖީހް، ހުސެއިން ސުހެއިލް، އަހުމަދު ޝަމާލް، ހުޒެއިފަތު ރަޝީދު، އިޝާން އިބްރާހިމް، މުހައްމަދު އިމްރާން، އަލީ ހާފިޒް، އަބްދުالله ޒިމާމް އަދި އަބްދުالله ނާސިހްއެވެ.

ކޮލިފައިނުގައި ރާއްޖޭގެ ޓީމުގެ ކޯޗަކީ އަހުމަދު ނިޔާޒް (ނިޔާ) އެވެ. ޓީމުގެ އެސިސްޓަންޓް ކޯޗެއްގެ ގޮތުގައި ހަމަޖައްސާފައިވަނީ މުހައްމަދު ފުހެއިދެވެ. ޓީމުގެ މެނޭޖަރަކީ، މުހައްމަދު އުމެއިރެވެ.

އޭޝިއަން ފުޓްސަލްކަޕް ބޭއްވުމަށް ހަމަޖެހިފައިވަނީ އިންޑޮނޭޝިއާގައި އަންނަ ޖެނުއަރީމަހުގެ 27 ހުން ފެށިގެން ފެބްރުއަރީމަހުގެ 7 ވަނަ ދުވަހާ ހަމަޔަށެވެ.