ވެނެޒުއޭނާގެ ވެރިކަން ވައްޓާލަން އުޅުނު އެމެރިކާ ބަޔަކު ހައްޔަރުކޮށްފި

ވެނެޒުއޭނާގެ ވެރިކަން ވައްޓާލަން އުޅުނު އެމެރިކާ ބަޔަކު ހައްޔަރުކޮށްފައިވާކަމަށެ ބޭރުގެ މީޑިއާތަކުން ބުނެފިއެވެ.

މި މައްސަލާގައި ހައްޔަރުކުރެވުނު މީހުންގެ ތެރޭގައި ސްޕެއިންގެ ދެ ރައްޔިތުންނާއި، އެމެރިކާ ތިން ރައްޔިތުންނާއި، އަދި ޗެކް ރިޕަބްލިކް ރައްޔިތަކު ހިމެނެއެވެ.

ވެނެޒުއެލާގެ އިންޓީރިއަރ މިނިސްޓަރު ދިއޮސްދާދޯ ކަބެއްލޯ ވިދާޅުވި ގޮތުގައި ހައްޔަރުކުރި ސްޕެއިންގެ ދެރައްޔިތުންނަކީ ސްޕެއިންގެ ސިއްރު އިންޓެލިޖެންސް ޚިދުމަތާ ގުޅުން އޮތް ބައެކެވެ. އެމީހުން ވަނީ އެ ގައުމުގެ މޭޔަރެއް އަވަހާރަކޮށްލުމުގެ ރޭވުމުގައި ބައިވެރިވެފައެވެ.

އަދި ހައްޔަރުކުރި އެމެރިކާގެ ތިން ރައްޔިތުންނާއި ޗެކް ރިޕަބްލިކްގެ މީހާ ވަނީ ޓެރަރިސްޓް ޙަރަކާތްތަކުގައި ބައިވެރިވެފައި ކަމަށާއި، މީގެ ތެރޭގައި ވެނެޒުއެލާގެ ރައީސް މަދޫރޯ އަވަހާރަކޮށްލުމުގެ ރޭވުމެއްވެސް ހިމެނޭ ކަމަށް އޭނާ ވަނީ ވިދާޅުވެފައެވެ.