ޖޫނިއަރ ޗެންޕިއަންކަން ހައި ފްލަޔާސް ހޯދިއިރު، ސީނިއަރ ޗެންޕިއަންކަން ސްވިފްޓް ސްޓަރސްއަށް

މިހާރު ކުރިއަށްދަ "މައިލޯ ރަމަޒާން ހާފުކޯޓް ނެޓްބޯޅަ ޗެލެންޖް 2025" ޖޫނިއަރ ޑިވިޝަންގެ ޗެންޕިއަންކަން ހައި ފްލަޔާސް ހޯދިއިރު ސީނިއަރ ޑިވިޝަންގެ ޗެންޕިއަންކަން ސްވިފްޓް ސްޓަރސް އިން ހޯދައިފިއެވެ.

ބުދަ ދުވަހުގެ ރޭ ކުޅެވުނު ޖޫނިއަރ ޑިވިޝަންގެ ފައިނަލުގައި ޝޫޓާސް އަތުން ހައި ފްލަޔާސް ކުރިހޯދީ ވާދަވެރި ކުޅުމަކަށްފަހު 7-5 ގެ ނަތީޖާއަކުންނެވެ. އަދި މިޑިވިޝަންގެ އެންމެ މޮޅު ހަތަރު ކުޅުންތެރިންނަކީ އީނަލް ބިންތް ހުސެއިން ޔޫޝައު (ބޮލްޓްސް)، އީނަލް މުހައްމަދު (ޝުޓާސް)، ފާތިމަތު އުލާ (ހައި ފްލަޔާސް) އަދި އަދި މަރިޔަމް އަލީޝާ (ހައި ފްލަޔާސް) އެވެ.

މީގެ އިތުރުން ޖޫނިއަރ ޑިވިޝަންގެ ހުރިހާ ގޮތަކުން އެންމެ މޮޅު ކުޅުންތެރިއަކަށް ހޮވުނީ މަރިޔަމް އަލީޝާ (ހައި ފްލަޔާސް) އެވެ.

މުބާރާތުގެ ސީނިއަރ ޑިވިޝަންގެ ފައިނަލުގައި ނިންޖާސް އަތުން ސްވިފްޓް ސްޓަރސް މޮޅުވީ ވާދަވެރި ކުޅުމަކަށްފަހު 11-9 ގެ ނަތީޖާއަކުންނެވެ. އަދި މިޑިވިޝަންގެ އެންމެ މޮޅު ހަތަރު ކުޅުންތެރިންނަކީ ބަލްގީސް މުހައްމަދު (ސްވިފްޓް ސްޓަރސް)، އާމިނަތު ތުގާ ހުސެއިން (ފައިޓާސް)، އިޝާ ބިންތް ޝިހާބް (ނިންޖާސް) އަދި ފާތިމަތު ޝާލިނީ (ނިންޖާސް) އެވެ.

މީގެ އިތުރުން ޖޫނިއަރ ޑިވިޝަންގެ ހުރިހާ ގޮތަކުން އެންމެ މޮޅު ކުޅުންތެރިއަކަށް ހޮވުނީ ބަލްގީސް މުހައްމަދު (ސްވިފްޓް ސްޓަރސް) އެވެ.

13 މާރިޗު 2025 އިން 19 މާރިޗު 2025 ގެ ނިޔަލަށް ކުރިއަށްދާ މިމުބާރާތުގައި ޖޫނިއަރ އަދި ސީނިއަރ ކެޓަގެރީގައި ކޮންމެ ކެޓަގެރީ އަކުން ފަސް ޓީމު ވާދަކުރިއިރު، މި ދެކެޓަގެރީގެ މެޗުތައް ވެސް ކުރިއަށް ގެންގޮސްފައިވަނީ ލީގު އުސޫލުންނެވެ.

އެގޮތުން ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ރަނގަޅު ނަތީޖާ ހޯދި ދެޓީމަށް މުބާރާތުގެ ފައިނަލުން ވަނީ ފުރުސަތު ލިބިފައެވެ.