ހަމާސްގެ ސިޔާސީ ގޮފީގެ އިސްވެރިޔާ އިސްމާއީލް ހަނިއްޔާ އަވަހާރަކޮށްލައިފި

އިޒްރޭލުގެ ޖާސޫސީ އިދާރާ މޮސާޑުން ދިން ބަޑީގެ ހަމަލާތަކެއްގައި، ފަލަސްޠީނުގެ މިނިވަންކަމަށްޓަކައި ޖިހާދު ކުރަމުންދާ ޙަމާސް ޖަމާޢަތުގެ ސިޔާސީ ގޮފީގެ އިސްވެރިޔާ އިސްމާއީލް ހަނިއްޔާ އަވަހާރަކޮށްލައިފިއެވެ.

ހަނިއްޔާ އަވަހާރަކޮށްލާފައި ވަނީ، އީރާނުގެ އާ ރައީސް މައްސޫދު ޕެޒެސްކިއާން ހުވާ ކުރައްވާ ރަސްމިއްޔާތަށް ވަޑައިގެން ވެރިރަށް ތެހެރާނުގައި ހުންނަވަނި ކޮށް އިޒްރޭލުން ދިން ހަމަލާއެއްގައި ކަމަށް ހަމާސް އިން ބުނެއެވެ. މިހަމަލާގައި ހަނިއްޔާގެ ބޮޑީގާޑަކުވެސް މަރުވެފައިވާ ކަމަށް ބުނެފައި ވެއެވެ.

އަދި، ހާނިއްޔާ އަވަހާރަކޮށްލުމަކީ ފަލަސްތީނު ރައްޔިތުންނަށް ލިބުނު ވަރަށް ބޮޑު ހިތާމައެއް ކަމަށާއި އެ ހިތާމައިގައި އެންމެން ބައިވެރިވާ ކަމަށްވެސް ބުނެފައިވެއެވެ.

މިއާއެކު ހަމާސްއިން ބުނީ، ހާނިއްޔާ އަށް ދެވުނު މި ނިރުބަވެރި ހަމަލާއަކީ އިސްރާއީލުން ހިންގި ވަރަށް "ފިނޑި" އަމަލެއް ކަމަށާއި އެކަމުގެ ބަދަލު ލުއިކޮށް ނުނަގާނެ ކަމަށެވެ. އަދި އެކަމުގައި ހިމެނޭ އިސްރާއީލް މީހުންނަށް ވަރުގަދަ ހަމަލާތަކެއް ދޭނެ ކަމުގެ އިމްޒާރުވެސް ހަމާސްއިން ވަނީ ދީފައެވެ.

ހަނިއްޔާ ތެހެރާންގައި ހުންނަވަނިކޮށް ދިން މިހަމަލާގެ ތަހުގީގު އީރާނުން ފަށާފައި ވާ އިރު, ހަމަލާ ދިން ގޮތުގެ ތަފްސީލުތަކެއް އިޒްރޭލުންވެސް އަދި އީރާނުންވެސް އަދި ހަމާސްއިންވެސް ހާމައެއް ނުކުރެއެވެ.