ކުރީގެ ރައީސް، ނަޝީދު، ޔާމިން އަދި ސޯލިހް
ކުރީގެ ރައީސް، ނަޝީދު، ޔާމިން އަދި ސޯލިހް
ރިޕޯޓް 24 Dec 2025 | 17:40

ރައީސް ޔާމީނު، އެމްޑީޕީއާ ބަޔަތު ހިއްޕަވައިގެން ކުރިއަށްދާން ބޭނުމެއްނުވޭ؟

ވަރަށް ގިނަ ދުވަހަށްފަހު ކުރީގެ ރައީސް މުހައްމަދު ނަޝީދާއި ރައީސް އިބްރާހިމް މުހައްމަދު ސޯލިހް މިއަދު މިވަނީ ބައްދަލުކުރައްވާފައެވެ. މި ދެ ބޭފުޅުންނަކީ އެމްޑީޕީ އުފެދުމުގެ މާ ކުރިންވެސް ވަރަށްގާތް ދެ ބޭފުޅުންނެވެ. އަދި އެމްޑީޕީ އުފެދުމާ ހަމައިން، އެންމެފަހުން ބޭއްވި ރިޔާސީ އިންތިހާބު ދުަވަސްވަރާ ޖެހެންދެންވެސް ދެބޭފުޅުންނަކީ, ވަރަށް ގާތްކޮށް މަސައްކަތް ކުރައްވަމުން އައި ދެ ބޭފުޅުންނެވެ. ދެ ބޭފުޅުންގެ ގުޅުން ގޯސްވީ، ރައީސް ނަޝީދުއަށް އަމާޒުކޮށް ދެވުނު ނުރައްކާތެރި ހަމަލާއަށްފަހުއެވެ.

އެ ހަމަލާއަށްފަހު މިއަދާހަމަޔަށް ދެ ބޭފުޅުން އެކުގައި ބައްދަލުވުމެއް ބާއްވާފައިވާކަމެއް އެނގޭކަށެއް ނެތެވެ. ނަމަވެސް ދުވަސްތަކަކަށްފަހު ދެ ބޭފުޅުން މިއަދު ވަނީ އެއް މޭޒުދޮށަށް ވަޑައިގެން ސިޔާސީ ބައެއް ކަންކަމާ ގުޅޭގޮތުން މަޝްވަރާކުރައްވާފައެވެ. ބައްދަލުވުމަށްފަހު، ނޫސްވެރިންނާ ވާހަކަދައްކަވަމުން ދެ ބޭފުޅުންވެސް ވަނީ އުފެދުނު ހިޔާލު ތަފާތުވުންތައް އެއްފަރާތުގައި ބޭއްވުމަށްފަހު އެއްގަލަކަށް އަރާވަޑައިގެންނެވިކަން ފާހަގަކުރައްވާފައެވެ. އަދި ކުރީގެ ރައީސް ނަޝިދާއި ސޯލިހުވެސް ވަނީ ދެ ބޭފުޅުންގެ ފަރާތުން ފެނިގެންދިޔަ އެ ކަންތައްތައް އެއީ ހިނގައިގެންވާނޭ ކަމެއް ނޫންކަމަށް ވިދާޅުވެފައެވެ.

ނޫސްވެރިންގެ ބައްދަލުވުމުގައި ރައީސް ނަޝީދު ވިދާޅުވީ، އެ ދެރައީސުން މިހާރު ތިއްބެވީ އެއްބޭފުޅެއް އަނެއް ބޭފުޅެއްގެ މައްޗަށް ކުރައްވާފައިވާ ތުހުމަތުތަކާ ނުވަތަ ކިޔުއްވި ފާޑުކިޔުންތައް ފަހަތަށް ޖައްސާލުމަށްފަހުގައި ކަމަށެވެ.

ނަޝީދާއި ޞާލިޙްގެ ނޫސްވެރިންގެ ބައްދަލުވުން: ފޮޓޯ/ އެމްޑީޕީ

ރައީސް ސޯލިހް ވިދާޅުވެފައިވަނީ އޭރުގައި ދިމާވި ކަންތައްތަކަކީ ވެގެން ވާނެ ކަންކަމެއް ނޫން ކަމަށާ، އެހެން އެކަން ދިމާވީ ދެކެވެން ހުރި ވަރަށް ގިނަ ވާހަކަތަކެއް ނުދެކެވި ދިއުމުން ވީ ކަމެއް ކަމަށެވެ.

މި ބައްދަލުވުމުގައި ރައީސް ޢަބްދުﷲ ޔާމިނާއެކު މަސައްކަތް ކުރައްވާނަންތޯ ކުރި ސުވާލުގެ ޖަވާބުގައި ކުރީގެ ދެ ރައީސުންވެސް ވިދާޅުވެފައިވަނީ ވަރަށް ޕޮޒިޓިވްކޮށް ޖަވާބުދެއްވާފައެވެ. ރައީސް ސޯލިހް ވިދާޅުވީ، ރައީސް ޔާމީނާއެކު މަސައްކަތް ކުރަން ތައްޔާރަށް ހުންނެވި ކަމަށާއި، ގައުމު އޮތް އެމަނިކްފާނާއެކު މަސައްކަތް ކުރައްވަން ޖެހިފައިވާކަން ފާހަގަކުރައްވާފައެވެ. ރައީސް ނަޝީދު ވިދާޅުވީ އެމަނިކްފާނު ރައީސް މައުމޫނާއެކު ސިޔާސީ މަސައްކަތްޕުޅު ކުރެއްވިއިރު، ރައީސް ޔާމީނާއެކު މަސައްކަތް ނުކުރެވެންވީ ސަބަބެއް ނެތްކަމަށެވެ.

ދެ ބޭފުޅުން ރައީސް ޔާމިނާއެކު މަސައްކަތްކުރެއްވުމުގެ ޝައުގުވެރިކަން ފާޅުކުރެއްވި ނަމަވެސް ރައީސް ޔާމިނު ނިސްބަތްވެ ވަޑައިގަންނަވާ ޕާޓީގެ ސެކެރެޓަރީ ޖެނެރަލް މުހައްމަދު މަލީހް އެކްސްގައި ކުރެއްވި ޕޯސްޓެއްގައި ވަނީ، މިކަމުގައި ނުސީދާ ގޮތެއްގައި ރައީސް ޔާމީންގެ ރަޢުޔު އޮތްގޮތް ސާފުކޮށްދެއްވާފައެވެ.

މަލީހް ކުރެއްވި ޕޯސްޓްގައި ވަނީ، ފާއިތުވި ދެ އަހަރު ދުވަހުގެ ތެރޭގައި ސަރުކާރާ އެއްކޮޅަށް އަދި ދެކޮޅަށްވެސް ޒިންމާދާރުގޮތެއްގައި ހަރަކާތްތެރިވި ސިޔާސީ ޕާޓީއަކީ ޕީއެންއެފްކަމަށް ވިދާޅުވެފައެވެ. އެގޮތުން ރާއްޖޭގެ ސިޔާސީ މަޝްރަހްގައި ޕީއެންއެފް އަދާކުރި ދައުރު އެހެން ޕާޓީތަކުންވެސް އަދާކުރަން ޖެހޭކަން ފާހަގަކުރައްވައި މަލީހް ވަނީ އެމްޑީޕީން އެންމެ ފުރަތަމަ ޒިންމާދާރު ސިޔާސީ ޕާޓީއެއްގެ ގޮތުގައި ހަރަކާތްތެރިވާން ޖެހޭކަން ފާހަގަކުރައްވާފައެވެ.

ޕީއެންއެފްގެ ސެކެރެޓަރީ ޖެނެރަލް ނުސީދާ ގޮތެއްގައި ރައީސް ސޯލިހް އަދި ރައީސް ނަޝީދަށް ރައްދު ދެއްވާފައިވާއިރު، ޕީއެންއެފުން ބާއްވަމުންދާ ޖަލްސާތަކުގައި ރައީސް ޔާމިނު ގެންދަވަނީ ކުރީގެ ރައީސް ސޯލިހްގެ އިތުރުން ރައީސް ނަޝީދަށްވެސް ދޭތެރެއަކު ފާޑުވިދާޅުވެ ވާހަކަދައްކަވަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ

ޓަކާ ޓަކާ ގޮވައިގެން އާންމުންނަށް ލިބެން އޮތް ތަނަވަސްކަން ހުއްޓުވުމަކީ ހީލަތްތެރި ކަމެއް: ރައީސް ނަޝީދު
19 Nov 2026 ހަބަރު

ޓަކާ ޓަކާ ގޮވައިގެން އާންމުންނަށް ލިބެން އޮތް ތަނަވަސްކަން ހުއްޓުވުމަކީ ހީލަތްތެރި ކަމެއް: ރައީސް ނަޝީދު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރަސްމާލޭގައި "މޯލްޑިވްސް ވޯޓަރފްރަންޓް އެންޑް މެރީނާ" މަޝްރޫޢު ތަރައްޤީކުރުމަށް އަބޫދާބީގެ އީގަލް ހިލްސް ކުންފުންޏާއެކު ވެފައިވާ އެއްބަސްވުމާ ދެކޮޅަށް އިދިކޮޅު އެމްޑީޕީން އަޑުއުފުލަމުންދާތީ، އެކަމަށް ކުރީގެ ރައީސް މުޙައްމަދު ނަޝީދު ވަރަށް ބޮޑަށް ފާޑުވިދާޅުވެއްޖެއެވެ.

ކުރިއެރުމަށް އޮތް މަގަކީ ބޭރުގެ އިންވެސްޓްމަންޓްތައް ގެނައުން: ނަޝީދު
15 Nov 2026 ހަބަރު

ކުރިއެރުމަށް އޮތް މަގަކީ ބޭރުގެ އިންވެސްޓްމަންޓްތައް ގެނައުން: ނަޝީދު

ރައީސް ނަޝީދު މިހެން ވިދާޅުވެފައިވަނި، އެމަނިކުފާނު މިއަދު އެކްސްގައި ކުރެއްވި ޕޯސްޓެއްގައެވެ. އެގޮތުން ރައީސް ނަޝީދު ވަނީ، ފޮރިން ޑައިރެކްޓް އިންވެސްޓްމަންޓް (އެފްޑީއައި) ތަރައްގީވަމުން އަންނަ ގައުމުތަކަށް މުހިންމުވާ ގޮތާއި، އެކަމުގައި ކާމިޔާބު ހޯދާފައިވާ ގައުމުތަކުގެ މިސާލުތަކުގެ މައްޗަށް އަލިއަޅުވާލައްވާފައެވެ.

މޭޔަރު ސައުދުގެ މައްޗަށް އުފުލި ދައުވާތައް އަނބުރާ ގެންދިޔުމަށް އެމްޑީޕީން ގޮވާލައިފި
11 Nov 2026 ހަބަރު

މޭޔަރު ސައުދުގެ މައްޗަށް އުފުލި ދައުވާތައް އަނބުރާ ގެންދިޔުމަށް އެމްޑީޕީން ގޮވާލައިފި

އެމްޑީޕީން ނެރުނު ބަޔާނެއްގައި ބުނީ ކައުންސިލް ނިންމުމެއްގެ ޒިންމާ ފަރުދީ ގޮތެއްގައި ސައުދު ޢަލީ އުފުލައި އޭނާގެ މައްޗަށް ޖިނާއީ ދައުވާ ކުރުމަކީ ޤާނޫނުއަސާސީއާއި ޤާނޫނީ ޢާންމު އުސޫލުތަކާ ފުށުއަރާ ކަމެއް ކަމަށެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.

ރަސްމާލެ މަޝްރޫއާ ގުޅޭގޮތުން ފެންނަ ނުފެންނަ ވޯޓެއް ނުނަގާނަން: ރައީސް މުޢިއްޒު
09 Nov 2026 ހަބަރު

ރަސްމާލެ މަޝްރޫއާ ގުޅޭގޮތުން ފެންނަ ނުފެންނަ ވޯޓެއް ނުނަގާނަން: ރައީސް މުޢިއްޒު

ރަސްމާލެ ތަރައްގީކުރުމުގެ ބިޔަ މަޝްރޫއާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނުވަތަ ރެފަރެންޑަމެއް ނުނަގާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.