ހަމަލާތައް ހުއްޓާލަން މިފަހަރުވެސް އިސްރާއީލުން އެއްބަހެއް ނުވި
އިސްރާއީލުން ޢައްޒާއަށް ދެމުން އަންނަ ހަމަލާތައް ހުއްޓާލުމަށް ހަމާސްއިން ކަންތައްތަކެއް ހުށަހެޅުމުންވެސް އިސްރާއީލް ސިފައިން އެކަމަށް ދެކޮޅުހަދައިފިއެވެ
އަލްޖަޒީރާއިން ބުނީ ހަމާސްއިން ވަނީ އެއްބަސްވާ ވަކި އުސޫލްތަކެއްގެ މަތިން ހަމަލާތައް ބަދަލުކުރުން ހުއްޓާލުމަށް އެއްބަސްވެފައެވެ. އެގޮތުން ހަމާސްއިން ވަނީ އެމީހުންގެ ބެލުމުގެ ދަށުގައި ތިބި އިސްރާއީލަށް ނިސްބަތްވާ ރަހީނުން ދޫކޮށްލުމަށް އެއްބަސްވެފައެވެ. އަލްޖަޒީރާއާ ވާހަކަދައްކަވަމުން ފަލަސްތީނުގެ އޮފިޝަލުން ވަނީ، ހަމާސްއިން އިޒްރޭލަށް ނިސްބަތްވާ 10 ރަހީނުން މިނިވަން ކުރުމުގެ އިތުރަށް 70 ދުވަހުގެ މުއްދަތަކަށް ހަނގުރާމަ ހުއްޓާލުމަށް ހުށަހަޅާފައެވެ.
މީގެ އިތުރުން ހަމާސްއިން ވަނި އިސްރާއީލްގެ ޖަލުތަކުގައި ތިބި ފަލަސްތީނުގެ ރައްޔިތުން ދޫކޮށްލުމަށްވެސް ހުށަހަޅާފައެވެ. ނަމަވެސް މިއިން އެއްވެސް ކަމަކާ އިސްރާއީލުން އެއްބަސްވެފައެއް ނުވެއެވެ.
އިސްރާއީލުން ފަލަސްތީނުގެ ރައްޔިތުންނާ ދެކޮޅަށް ހިންގަމުންގެންދާ ލާއިންސާނީ ހަމަލާތައް ހުއްޓާލުމަށް ބައިނަލްއަޤްވާމީ އެކިއެކި ފަރާތްތަކުން ގޮވާލަމުންދިޔަނަމަވެސް، އިސްރާއީލްގެ ސަރުކާރުން ފާޅުގައި ބުނަމުން ގެންދަނީ ހަމަލާތައް ހުއްޓައި ނުލާނޭކަމަށެވެ.
އިސްރާއީލްގެ ބޮޑުވަޒީރު ނަތަންޔާހޫ އެންމެފަހުން ނޫސްވެރިންނާއެކު ބޭއްވި ބައްދަލުވުމެއްގައި ވިދާޅުވެފައިވަނީ، ހަމާސްއަށް އޮތް ފުރުސަތަކީ އަމާން ދިނުމަށްފަހު ޢައްޒާއިން ފޭބުންކަމަށެވެ.
އިސްރާއީލުން ފަލަސްތީނުގެ ނަސްލު ނައްތާލުމަށް ޢައްޒާއަށް ދެމުްނގެންދާ ހަމަލާތަކަށް އަހަރަކާއި ހަމަސް ވެގެންދާއިރު މި ހަމަލާތަކުގައި ފަލަސްތީނުގެ 54،000 ރައްޔިތުން ވަނީ ޝަހީދުވެފައެވެ. މީގެ ތެރޭގައި ގިނައީ އަންހެނުންނާއި ކުޑަކުދިންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
