ނޫސްވެރިޔާ ޖެފް ޖަރްޕމަން މަރާލި ލޮސް ވެގަސްގެ ސިޔާސީ ބޭފުޅަކު އުމުރަށް ޖަލަށްލައިފި

އެމެރިކާގެ ލޮސް ވެގަސްގެ ސިޔާސީ ބޭފުޅަކު އޭނާގެ އިސްކޮށް ހުންނެވި ބޭފުޅާ ޑިޕާޓްމަންޓު ހިންގާފައިވަނީ ގޯސްކޮށްކަން ތަފްސީލުކޮށް ލިޔުންތައް ލިޔުނު ތަހުގީގީ ނޫސްވެރިޔާކަމުގައިވާ ޖެފް ޖަރުމަން މަރާލި މައްސަލާގައި އުމުރަށް ޖަލަށް ލައިފިއެވެ.

ޑިމޮކްރެޓިކް ޕާޓީގެ ކުރީގެ ޕަބްލިކް އެޑްމިނިސްޓްރޭޓަރެއް ކަމަށްވާ ރޮބަޓް ޓެލްސް، އުމުރުން 69 އަހަރުގެ ނޫސްވެރިޔާ ޖެފް ޖަރުމަންގެ  ގޭގެ ބޭރުގައި ޖެފް މަރާލީ 2022 ވަނަ އަހަރުގެ ސެޕްޓެމްބަރު މަހުގެ 2 ވަނަ ދުވަހު ވަޅިން ހަމަލާދީގެންނެވެ.

މިކަމާ ގުޅިގެން ކްލާކް ކައުންޓީގެ ޕްރޮސެކިއުޓާ ސްޓީވް ވުލްފްސަން ނޫސްވެރިންނާ ވާހަކަ ދައްކަވަމުން ވިދާޅުވީ "އިންސާފު ލިބިއްޖެ،" ކަމަށެވެ.

އިތުރަށް އޭނާ ގިދާޅުވީ "މިއަދުގެ ހުކުމުން މެސެޖެއް ދޭން ޖެހޭ، އެ މެސެޖަކީ މީޑިއާ ހިމޭންކުރަން ނުވަތަ ނޫސްވެރިޔަކު ހިމޭންކުރަން ނުވަތަ ބިރު ދެއްކުމަށް ކުރާ އެއްވެސް މަސައްކަތެއް ބަލާގަނެވޭވޭ ކަމުގެ ސާފު މެސެޖެއް” ކަމަށެވެ.

ޕެރޯލް އާ ނުލައި އުމުރު ދުވަހުގެ ޖަލު ހުކުމާއި ފަސްޓް ޑިގްރީ މަރުގެ ހުކުމް ކްލަރކެއަށްވަނީ ކޮށްފައެވެ. އޭގެ ފަހުން އުމުރު ދުވަހުގެ ޖަލު ހުކުމެއް އިއްވާފައިވަނީ މަދުވެގެން 20 އަހަރުގެ މުއްދަތަކަށެވެ.

"ޖެފް މަރާލީ އޭނާ ވަރަށް ފަޚުރުވެރިވާ ފަދަ މަސައްކަތެއް ކުރުމުގެ ސަބަބުން. : އޭނާގެ ރިޕޯޓިންގެ ސަބަބުން އިންތިހާބުވި އޮފިޝަލަކު ނުބައި އަމަލަކަށް ޖަވާބުދާރީވެ، އެ މަގާމަށް އެހެން މީހަކު ހޮވުމުގެ ބާރު ވޯޓާސް އަށް ލިބިގެން ދިޔަ،" ޖަރުމަނުގެ ނޫހެއް ކަމަށްވާ ލަސް ވެގަސް ރިވިއު-ޖާނަލްގެ ކުރީގެ އެގްޒެކެޓިވް އެޑިޓަރު ގްލެން ކުކް ވިދާޅުވެފައިވެ އެވެ.