ކާށިދޫ ޔޫތް ޓްރޮފީ 2026 ވިމެންސް ހޭންޑްބޯލް މުބާރާތް މާދަމާ ރެއަށް ފަސްކޮށްފި
ލިޔުންތެރިޔާ
އަބްދުﷲ ހުސައިން
ކ. ކާށިދޫގައި ބޭއްވުމަށް ހަމަޖެހިފައިވާ "ކާށިދޫ ޔޫތް ޓްރޮފީ 2026 ވިމެންސް ހޭންޑްބޯލް ޓޯނަމަންޓް" މޫސުން ގޯސް ވުމުގެ ސަބަބުން މާދަމާރެއަށް ފަސްކޮށްފިއެވެ.
ކާށިދޫގައި ކުރިއަށްގެންދާ އެންމެ ފޯރިގަދަ އެއް މުބާރާތްކަމަށްވާ ޔޫތު ޓްރޮފީ މުބާރާތް ފަށަން ތާވަލްކޮށްފައި ކުރިން އޮތީ މި ރެއަށެވެ. ނަމަވެސް މޫސުން ގޯސްވުމުގެ ސަބަބުން މުބާރާތް ފަށަން ހަމަޖެހިފައިވާ ގަޑި ވަނީ މާދަމާރެއަށް ތާވަލްކޮށްފައެވެ.
މިފަހަރުގެ މުބާރާތް ހުޅުވާ މެޗްގައި ބައްދަލުކުރާނީ ނައިން އެކްސް އައި އެންޖީ ޖޫނިއާސްއެވެ. ދެވަނަ މެޗްގައި ބައްދަލުކުރާނީ އެމްޖީ ސްޕޯޓްސް ކްލަބާއި އެންޖީ ސްޓާރިން އެވެ.
މުބާރާތުގައި ވާދަކުރާ ޓީމުތައް:
އެންޖީ ސްޓާރިން
އެންޖީ ޖޫނިއާސް
އީއެން ހޭންޑްބޯލް ޓީމް
އެމްޖީ ސްޕޯޓްސް ކްލަބް
ޓީމް ނައިން އެކްސް
މި މުބާރާތް ކުރިއަށް ގެންދިއުމަށް ހަމަޖެހިފައިވަނީ ލީގު އުސޫލުން ކުޅުމަށްފަހު، ސެމީ ފައިނަލް މެޗުތައް ކުޅެ، ފައިނަލް މެޗު ކުޅޭ ގޮތަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
