ކ. ތިލަފުށިން ސިނާއީ ބޭނުމަށް ބިން ކުއްޔަށް ދޫކުރުމަށް ހުޅުވައިލައިފި
ލިޔުންތެރިޔާ
ޚަދީޖާ އަރުފާ
ކ. ތިލަފުށިން ސިނާއީ ބޭނުމަށް ބިން ކުއްޔަށް ބޭނުންވާ ފަރާތްތަކުން ހައުސިން ޑިވެލޮޕްމަންޓް ކޯޕަރޭޝަނަށް ( އެޗްޑީސީ ) އެދި ހުށަހެޅުމަށް ހުޅުވާލައިފިއެވެ.
އެޗްޑީސީން ކުރި ޢިޢުލާނުގައި ބުނެފައިވަނީ ކ. ތިލަފުށިން ބިން ކުއްޔަށް ނެގުމަށް އެދި ގިނަ ފަރާތްތަކުން އރ ކޯޕަރޭޝަނަށް ހުށަހަޅަމުންދާ ކަމަށެވެ.
އެހެންކަމުން، ތިލަފުށިން ބިން ކުއްޔަށް ނަގަން އެދޭ އަމިއްލަ ފަރާތްތަކާއި އަދި އަމިއްލަ ކުންފުނިތަކުން، ސިޓީއަކުން ނުވަތަ އީމެއިލް ([email protected]) މެދުވެރިކޮށް އެ ކޯޕަރޭޝަންއަށް ހުށަހެޅުމަށްވަނީ އެދިފައެވެ.
އެޗްޑީސީއިން ބުނީ ބިމުގެ ޖާގަ ހުރި ވަރަށް ބަލައި ތިލަފުށި މާސްޓަރ ޕްލޭން އާއި އެ ކޯޕަރޭޝަނުގައި ހެދިފައިވާ އުސޫލުތަކާއި އެއްގޮތްވާ ގޮތުގެ މަތިން ބިން ކުއްޔަށް ދޫކުރުމުގެ މަސައްކަތް ކުރެވިގެންދާނެ ކަމަށެވެ.
ބިން ކުއްޔަށް ނެގުމާއި އަދި އެހެނިހެން މަޢުލޫމާތުތައް ސާފުކުރުމަށް އެ ކޯޕަރޭޝަންގެ ހޮޓްލައިން ނަންބަރ 1516 އަށް ގުޅުއްވުމަށް ވަނީ އެދިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
