އިސްރާއީލުގެ ސިފައިންގެ އެންމެ އިސްވެރިޔާ އިސްތިއުފާދޭން ނިންމައިފި

އިސްރާއީލުގެ ސިފައިންގެ އެންމެ އިސްވެރިޔާ އިސްތިއުފާދޭން ނިންމާފައިވާކަމަށް އެ ގައެގައުމުގެ މީޑިއާތަކުން ބުނެފިއެވެ.

އިސްރާއީލުގެ ސިފައިންގެ އެންމެ އިސްވެރިޔާ ހެރްޒީ ހަލެވީ، އިސްތިއުފާދޭން ނިންމީ މިދިޔައަހަރުގެ އޮކްޓޯބަރު 7 ގައި ފަލަސްތީނު މިނިވަން ކުރުމަށް ޖިހާދުކުރަމުންދާ ހަމާސް ޖަމާޢަތުން އިސްރާއީލަށް ވަދެގަތުމުގެ ހަމަލާ ހުއްޓުވުމަށް ނުކުޅެދުނު ކަމަށްޓަކައި ކަމަށް ރިޕޯޓްތައް ބުނެއެވެ.

އިސްރާއީލުގެ ޗެނަލް 12 އިން ބުނެފައިވާ ގޮތުގައި ހަލެވީ އިސްތިއުފާ ދޭން ނިންމާފައިވަނީ އޮކްޓޯބަރު 7 ގެ ހަމަލާއާ ގުޅިގެން ކުރެވޭ ތަޙުޤީޤުތައް ނިމުމުންނެވެ. މި ތަޙުޤީޤުތަކުގެ ތެރޭގައި އިސްރާއީލުގެ ސިފައިންނަށް އެ ހަމަލާ ހުއްޓުވުމަށް ނުކުޅެދުނު ސަބަބުތައް ބަލައި، އެކަމާ ގުޅޭ ގޮތުން އަޅަންޖެހޭ ފިޔަވަޅުތައް އެޅުން ހިމެނެއެވެ.

އިސްރާއީލުގެ ޗެނަލް 12 އިން އިތުރަށް ބުނެފައިވަނީ މިއަހަރުގެ ޑިސެމްބަރު މަހުގެ ނިޔަލަށް އޭނާ އިސްތިއުފާ ދޭން ނިންމައިފާ ވާކަމަށް ށެވެ.

އިސްރާއީލުގެ ސިފައިންގެ އިންޓެލިޖެންސް ޔުނިޓް 8200 ގެ ކޮމާންޑަރު ބްރިގޭޑިއަރ ޖެނެރަލް ޔޮސީ ސަރިއެލް ވެސް ވަނޛ އިސްތިއުފާ ދީފައެވެ. ސަރިއެލްގެ އިތުރުން އިސްރާއީލުގެ ސިފައިންގެ އިސް 7 އޮފިސަރަކު ވަނީ އޮކްޓޯބަރު 7 ގެ ހަމަލާއާ ގުޅިގެންޅިގެން އިސްތިއުފާ ދީފައެވެ. އަދި މީގެ ތެރެއިން ބައެމީހުން ބުނާގޮތުގައި އަމިއްލަ ސަބަބުތައް މީގެތެރޭގައި ހިމެނޭކަމަށެވެ.

މި އިސްތިއުފާތަކުގެ ތެރޭގައި އިސްރާއީލުގެ ސިފައިންގެ ޣައްޒާ ޑިވިޝަންގެ ކޮމާންޑަރު ބްރިގޭޑިއަރ ޖެނެރަލް، ޝިން ބެޓް ސެކިއުރިޓީ އޭޖެންސީގެ ދެކުނު ސަރަޙައްދުގެ ވެރިޔާ، އަދި ޣައްޒާ ޑިވިޝަންގެ އިންޓެލިޖެންސް އޮފިސަރެއް ހިމެނެއެވެ.

އިސްރާއީލުގެ އަސްކަރިއްޔާގެ އެއްގަމު ސިފައިންގެ ވެރިޔާ ތަމީރު ޔަދާއީ މަގާމުން އިސްތިއުފާ ދެއްވީ ތިން އަހަރު އެ މަގާމުގައި ހުންނެވުމަށް ފަހު "އަމިއްލަ ސަބަބުތަކަށްޓަކައި" ސެޕްޓެމްބަރު މަހުގެ ތިން ވަނަ ދުވަހު އެވެ.

އިސްރާއީލުގެ އަސްކަރިއްޔާގެ މިލިޓަރީ އިންޓެލިޖެންސް ޑައިރެކްޓްރޭޓްގެ ވެރިޔާ މޭޖާ ޖެނެރަލް އަހާރޮން ހަލީވާ އިސްތިއުފާ ދެއްވީ ފަލަސްތީނު މިނިވަން ކުރުމަށް ޖިހާދުކުރަމުންދާ ހަމާސް ޖަމާޢަތުން އިސްރާއީލަށް ދިން ހަމަލާ އަންދާޒާ ނުކުރެވުމުން މިދިޔަ އޭޕްރީލް މަހުގެ 22 ވަނަ ދުވަހު އެވެ.
މިލިޓަރީ އިންޓެލިޖެންސް ޑައިރެކްޓްރޭޓްގެ ރިސާޗް ޑިވިޝަންގެ ވެރިޔާ ބްރިގޭޑިއާ ޖެނެރަލް އަމިތު ސާރް ފެބްރުއަރީ މަހުގެ ފުރަތަމަ ހަފުތާގައި އިސްތިއުފާ ދެއްވީ "އަމިއްލަ ސަބަބުތަކާ ހުރެ، އޮކްޓޯބަރު 7 ގެ ހަމަލާއާ ބެހޭ ގޮތުން އެ ޔުނިޓުން އެލާމް ނުޖަހައި، ސިއްހީ ހާލަތުގެ ސަބަބުން" ކަމަށް މީޑިއާ ރިޕޯޓްތައް ބުނެ އެވެ.

އަދި ޑިސެމްބަރު މަސް ނިމުމުގެ ކުރިން އިސްރާއީލުގެ އަސްކަރިއްޔާއިން ލުބްނާނާ އެކު ހަނގުރާމައަކުރުމަށް ވާންޖެހޭ ތައްޔާރީތައް ފުރިހަމަކުރާނެ ކަމަށް ބެލެވޭ ކަމަށް ވެސް އެ ރިޕޯޓުގައި ބުނެފައިވެ އެވެ.

މިދިޔަ އަހަރު އޮކްޓޯބަރުން ފެށިގެން މިހާތަނަޑް 41،100 އަށް ވުރެ ގިނަ މީހުން ޝަހީދުކޮށްލާފައިވާ އިރު އޭގެ ތެރޭގައި ގިނައީ އަންހެނުންނާއި ކުޑަކުދިން ކަމަށް ޣައްޒާގެ ސިއްހީ އިދާރާތަކުން ބުނެ އެވެ.