ގޯލްޑަން ފުޓްސަލް ޗެލެންޖު 2024: ފަސޭހަކަމާ އެކު ތުރާކުނު ބަލިކޮށް އުތީމުން ފެށުން ރަނގަޅުކޮށްފި
ރާއްޖޭގައި ބާއްވާ އެންމެ ބޮޑު ފުޓްސަލް މުބާރާތް، ސޮނީ ސްޕޯޓްސް ގޯލްޑަން ފުޓްސަލް ޗެލެންޖް 2024 ގެ ހއ. އަތޮޅު ބުރުގެ ގުރޫޕް ދޭއްގައި ރޭ ކުޅެވުނު ދެވަނަ މެޗުގައި ފަސޭހަކަމާއި އެކު 4-1 ގެ ނަތީޖާއަކުން ތުރާކުނު ބަލިކޮށް އުތީމުން މުބާރާތުގެ ފެށުން ރަނގަޅުކޮށްފި އެވެ.
ހުޅުމާލޭ ރެހެންދި ފުޓްސަލް ދަނޑުތަކުގައި މުބާރާތުގެ މެޗުތައް ރޭ ފެށި އިރު، މިއަހަރުގެ މުބާރާތުގައި ހއ. އަތޮޅުން ވަނީ ޖުމްލަ 12 ޓީމަކުން ބައިވެރިވެފައެވެ. އެހެންކަމުން އެ އަތޮޅުގެ އަތޮޅު ބުރު ކުރިއަށް ގެންދިއުމަށް ހަމަޖެހިފައިވަނީ ތިން ގްރޫޕަކަށް ބަހާލައިގެންނެވެ. ތިން ގްރޫޕުގެ ތެރެއިން އެންމެ ރަނގަޅު 8 ޓީމު ކުއާޓާ ފައިނަލަށް ހޮވޭއިރު އިރު، އަތޮޅު ބުރުގެ ފައިނަލަށް ހޮވޭ ދެޓީމަށް މުބާރަތުގެ ޒޯން ބުރުން ފުރުސަތު ލިބިގެންދާނެ އެވެ.
ރޭގެ މެޗުގައި އުތީމުގެ މުހައްމަދު ނަބީލް ދެލަނޑު ކާމިޔާބު ކުރި އިރު، މުހައްމަދު ރިފާއު އަދި ތާހާ މުހައްމަދު މިއިން ކޮންމެ ކުޅުންތެރިއެއް ވަނީ އެއް ލަނޑު ކާމިޔާބުކޮށްފައެވެ.
މިމެޗުގައި ތުރާމުނުން ކާމިޔާބުކުރި ހަމައެކަނި ލަނޑު ކާމިޔާބުކޮށްދިނީ އަހުމަދު ސިރާޖު އެވެ. އަދި މިމެޗުގެ މޭން އޮފް ދަ މެޗަކަށް ހޮވުނީ އުތީމުގެ މުހައްމަދު ނަބީލް އެވެ.
މިމެޗުން ލިބުނު ތިން ޕޮއިންޓާއެކު ހއ. ގުރޫޕް ދޭއްގައި އެއްވަނާގައި މިވަގުތު އޮތީ އުތީމެވެ. މިގުރޫޕްގެ ކެލާ އަދި ބާރަށަށް އެއް ޕޮއިންޓް ލިބިފައިވާއިރު ގުރޫޕް ފުލުގައި މިވަގުތު އޮތީ ތުރާކުނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
