އިތާ، އިންޓަ ރިސޯޓް ވޮލީބޯޅަ މުބާރާތުގެ ތަށި ޖޯލި ބީންގ އިން ދިފާއުކޮށްފި

ރ. މީދޫގައި މިހާރު ކުރިއަށްދާ "އިތާ، އިންޓަ ރިސޯޓް ވޮލީބޯޅަ މުބާރާތް 2025" ގެ ފައިނަލުގައި ރޭ އެންމެ ފަހުގެ ޗެންޕިއަން ޖޯލި ބީއިންގ އާއި ކުޑަފުށި ކުޅުނު މެޗު ވާދަވެރި ކުޅުމަކަށްފަހު 3-0 ގެ ނަތީޖާއަކުން މޮޅުވެ ޖޯލި މޯލްޑިވްސް އިން މުބާރާތުގެ ތަށި ޖެހިޖެހިގެން ތިންވަނަ ފަހަރަށް ކާމިޔާބުކޮށްފިއެވެ.

މުބާރާތުގެ ފައިނަލުން ކުޑަފުށި ޖާގަހޯދީ ސެމީފައިނަލުގެ ފުރަތަމަ މެޗުގައި ފަސޭހަކަމާއެކު ސީދާ ތިން ސެޓުން އާރަށް ބަލިކުރުމަށް ފަހުއެވެ. އަދި ޖޯލި ބީއިން މުބާރާތުގެ ފައިނަލުން ޖާގަހޯދީ  ސެމީފައިނަލް ދެވަނަ މެޗުގައި ވާދަވެރި ކުޅުމަކަށްފަހު 3-2 ގެ ނަތީޖާއަކުން ކޯރާ ކޯރާ މޯލްޑިވްސް ބަލިކުރުމަށްފަހު އެވެ.

ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ ރޭގެ ފައިނަލް މެޗުގެ ސެޓުތައް ޖޯލި ބީއިންގ ކާމިޔާބުކުރީ 22-25، 21-25 އަދި 23-25 ގެ ނަތީޖާއަކުންނެވެ. އަދި ފައިނަލް މެޗުގެ މޮޅު ކުޅުންތެރިއަކަށް ހޮވުނީ ޖޯލި ބީއިންގެ

މި މުބާރާތުގެ ޑްރީމްޓީމު ހިމެނުނު ކުޅުންތެރިންނަކީ ބެސްޓް އައުޓްސައިޑް ހިޓާ ޝެހާން (ޖޯލި ބީއިންގ)، ބެސްޓް އައުޓްސައިޑް ހިޓާ ގަޔާން (ކުޑަފުށި)، ބެސްޓް މިޑްލް ބްލޮކަރ ލަހިރު (ޖޯލި ބީއިންގ)، ބެސްޓް މިޑްލް ބްލޮކަރ އަސްލަމް (ޖޯލި ބީއިންގ)، ބެސްޓް ސެޓަރ މަހޭޝް (ޖޯލި ބީއިންގ) އަދި ބެސްޓް އޮޕޮޒިޓް ޕްލޭޔަރ އަކީ ދިމިތު (ކުޑަފުށި) އެވެ.

މީގެ އިތުރުން މުބާރާތުގެ އެންމެ މޮޅު ލިބަރޯއަކަށް ހޮވުނީ ކޯރާ ކޯރާ މޯލްޑިވްސްގެ ހާއްޕެ އެވެ. ބެސްޓް ސަޕޯޓާސް ޓީމުގެ އިތުރުން ފެއާރ ޕްލޭ ޓީމަކަށް ވެސް ހޮވުނީ ކުޑަފުއްޓެވެ. އަދި މުބާރާތުގެ އުންމީދީ ކުޅުންތެރިއަކަށް ހޮވުނީ އާށުގެ އަސްފާން އެވެ. އެންމެ މޮޅު ކޯޗަކީ ޖޯލި ބީއިންގެ ކޯޗު ޝަރަފް އެވެ. އެންމެ މޮޅު ކުޅުންތެރިއަކީ ޖޯލި ބީއިންގެ ޝެހާން އެވެ.

15 އޮގަސްޓް 2025 އިން 29 އޮގަސްޓް 2025 ގެ ނިޔަލަށް، ރ.މީދޫގައި ކުރިއަށްދާ މިއަހަރުގެ މުބާރާތުގައި ޖުމްލަ 10 ޓީމަކުން ބައިވެރިވެފައިވާއިރު، މުބާރާތް ކުރިއަށް ގެންގޮސްފައިވަނީ ބައިވެރިވި 10 ޓީމު ދެ ގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދި ދެޓީމަށް ވަނީ ސެމީ ފައިނަލުން ފުރުސަތު ލިބިފައެވެ.