ހުޅަނގު އައްސޭރީގައި އިސްރާއީލުގެ ޖަލުތަކުގައި ތިބި ފަލަސްޡީނުގެ މީހުންގެ ހައްގުގައި އެއްވުމެއް ބާއްވައިފި
ހައްދުފަހަނަ އަޅާފައިވާ އިސްރާއީލުން ހައްގަކާނުލައި ހިފާފައިވާ ފަލަސްޡީނުގެ ހުޅަނގު އައްސޭރީގައި، އިސްރާއީލުގެ ޖަލުތަކުގައި ބަންދުކޮށްފައި ތިބި ފަލަސްޡީނުގެ މީހުންގެ ހަންދާނުގައި އެއްވުމެއް ބާއްވައިފިއެވެ.
މި އެއްވުން ބާއްވާފައި ވަނީ ހުޅަންގު އައްސޭރީގެ އެކި ހިސާބުތަކުގައެވެ.
އިސްރާއީލުގެ ޖަލުތަކުގައި މިހާރު ތިބި ފަލަސްޡީނުގެ މީހުންގެ ތެރޭގައި އަންހެނުންނާއި ކުޑަކުދިންވެސް ހިމެނެއެވެ. މި އެއްވުމުގައި ބައިވެރިވި ފަރާތްތަކުން ވަނީ އެމީހުންގެ ހާލަތާ މެދު ކަންބޮޑުވުން ފާޅުކޮށްފައެވެ. އަދި ބައިނަލްއަޤްވާމީ މުޖުތަމަޢުން މިކަމަށް އަވަސް ހައްލެއް ހޯދައިދިނުމަށް ގޮވާލާފައިވެއެވެ.
މި އެއްވުމުގެ ތެރެއިން ފަލަސްޡީނުގެ ރައްޔިތުން ވަނީ އެމީހުންގެ ޙައްޤުތަކަށް އަޑުއުފުލަމުން ގެންދާނެކަމަށް ބުނެފައެވެ.
އެއްވުމުގައި ބައިވެރިވި ފަރާތްތަކުން ވަނީ އިސްރާއީލުގެ ޖަލުތަކުގައި ތިބި ފަލަސްޡީނުގެ މީހުން ދޫކޮށްލުމަށް ގޮވާލާފައެވެ. އަދި އެމީހުންނާމެދު ޢަމަލުކުރަމުންދާ އިންސާނިއްޔަތާ ޚިލާފު ޢަމަލުތައް ހުއްޓާލުމަށްވެސް އިސްރާއީލަށް ގޮވާލާފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
