ހައި ފްލަޔާސް އަތުން ބޮލްޓްސް ބަލިވިއިރު، އެޓޭކާސް އިން ޕަވާ ޕަފްސް ބަލިކޮށްފި

މިހާރު ކުރިއަށްދަ "މައިލޯ ރަމަޒާން ހާފުކޯޓް ނެޓްބޯޅަ ޗެލެންޖް 2025" ގައި އާދިއްތަ ދުވަހުގެ ރޭ ކުޅެވުނު މެޗުތަކަށްފަހު ދަ ބޮލްޓްސް އަދި ޕަވާ ޕަފްސް މުބާރާތުން ކަޓައިފިއެވެ.

މުބާރާތުގެ ރޭ ވެސް އަށް މެޗު ކުޅެފައިވާއިރު، ޖޫނިއަރ ޑިވިޝަންގެ ފުރަތަމަ މެޗުގައި ދަ ބޯލްޓް އާއި ހައި ފްލަޔާސް ވާދަކުރި މެޗު 5-4 ގެ ނަތީޖާއަކުން ހައި ފްލަޔާސް ކާމިޔާބުކުރިއިރު، ދެވަނަ މެޗުގައި އެޓޭކަސް އިން ވަނީ ފްލަޔާސް އިން ވަނީ 3-2 ގެ ނަތީޖާއަކުން ޕަވާ ޕަފްސް ބަލިކޮށްފައެވެ.

މުބާރާތުގެ ސީނިއަރ ޑިވިޝަންގައި ރޭ ކުޅުނު ފުރަތަމަ މެޗުގައި ފަލްކަންސް އާއި ފައިޓާސް މެޗު 6-9 ގެ ނަތީޖާއަކުން ފައިޓާސް ކާމިޔާބުކުރިއިރު، ދެވަނަ މެޗުގައި ވޯރިއާސް އަތުން ނިންޖާސް މޮޅުވީ ވާދަވެރި ކުޅުމަކަށްފަހު 10-8 ގެ ނަތީޖާއަކުންނެވެ.

މީގެ އިތުރުން މުބާރާތުގެ އޯޕަން ކެޓަގެރީގައި ރޭ ވެސް ހަތަރު މެޗު ކުޅެފައިވާއިރު، ފުރަތަމަ މެޗުގައި ކުއީންސް އާއި ޑީއެޗްއޭއެޗް އެސްސީ ވާދަކުރި މެޗު ފަސޭހަކަމާއެކު 14-4 ގެ ނަތީޖާއަކުން ކުއީން ކާމިޔާބުކުރިއިރު، ނެޓް އެޓޭކާސް އާއި ފާސްޓް ފައިވް ވާދަކުރި ފޯރިގަދަ މެޗު 18-23 ގެ ނަތީޖާއަކުން ކާމިޔާބުކުރީ ނެޓް އެޓޭކާސް އެވެ.

އޯޕަން ކެޓަގެރީގައި ރޭ ކުޅުނު ތިންވަނަ މެޗުގައި ނެޓާސް އަތުން 9-6 ގެ ނަތީޖާއަކުން ލޮރެންސޯ ބަލިވިއިރު، ފަހު މެޗުގައި ޑްރަގަންސް އިން ވަނީ 9-14 ގެ ނަތީޖާއަކުން ކުއީންސް ބަލިކޮށްފައެވެ.

13 މާރިޗު 2025 އިން 19 މާރިޗު 2025 ގެ ނިޔަލަށް ކުރިއަށްދާ މިމުބާރާތުގައި ތިން ކެޓަގަރީއަކުން ޖުމްލަ 17 ޓީމަކުން ބައިވެރިވެފައިވާއިރު، އޭގެތެރޭގައި ހިމެނެނީ ޖޫނިއާ ފަސް ޓީމައި ސީނިއަރ ފަސް ޓީމުގެ އިތުރުން އޯޕަން ކެޓަގެރީގައި ވާދަކުރާ ހަތް ޓީމެވެ.

މުބާރާތުގެ ތިން ކެޓަގެރީގެ މެޗުތައް ވެސް ކުރިއަށް ގެންދިއުމަށް ހަމަޖެހިފައި ވަނީ ލީގު އުސޫލުންނެވެ. އެގޮތުން ޖުނިއާރ އަދި ސީނިއަރ ކެޓަގެރީގެ ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ގިނަ ޕޮއިންޓް ހޯދާ ދެޓީމު ފައިނަލަށް ހޮވޭއިރު، އޯޕަން ކެޓަގެރީގެ ކޮންމެ ޓީމެއް ކޮންމެ ޓީމަކާއި އެއްމެޗު ކުޅުމަށްފަހު ލީގުބުރުގެ ގަދަ ހަތަރު ޓީމުގެ މެދުގައި ސެމީފައިނަލް ދެމެޗު ކުޅުމަށް ވަނީ ހަމަޖެހިފައެވެ.