ކުޑަހުވަދޫ ބޮޑުޢީދު ފުޓްސެލް ޗެލެންޖްގެ 1446” ޑިޒައިން ޕާޓްނަރަކަށް މޮނޮކްސް ސްޓޫޑިއޯ

ބްރަދާސް އެކަޑަމީގެ ފަރާތުން އިންތިޒާމުކޮށްގެން ކުރިއަށް އޮތް ބޮޑުއީދު ބަންދާއި ދިމާކޮށް ދ. ކުޑަހުވަދޫގައި ބޭއްވުމަށް ހަމަޖެހިފައިވާ "ކުޑަހުވަދޫ ބޮޑުއީދު ފުޓްސަލް ޗެލެންޖް 1446" ގެ ޑިޒައިނިންގ ޕާޓްނަރަކަށް މޮނޮކްސް ސްޓޫޑިއޯ ހަމަޖައްސައިފިއެވެ.

މިކަމާ ގުޅޭގޮތުން މިއަދު ބޭއްވުނު ސޮއިކުރުމުގެ ރަސްމިއްޔާތުގައި މޮނޮކްސް ސްޓޫޑިއޯގެ ފަރާތުން ސޮއިކުރެއްވީ އެ ސްޓޫޑިއޯގެ ޑިޒައިނަރ އަޙްމަދު އަޒުހަދުއެވެ. އަދި ބްރަދާސް އެކަޑަމީގެ ފަރާތުން މި އެއްބަސްވުމުގައި ސޮއިކުރެއްވީ އެކަޑަމީގެ ޗެއާޕާސަން އިސްމާޢީލް ޢާދިލެވެ.

2012 ވަނަ އަހަރު އުފެދުނު މޮނޮކްސް ސްޓޫޑިއޯ އަކީ މިހާރު ފުޅާ ދާއިރާއެއްގައި ޚިދުމަތް ދެމުންދާ ސްޓޫޑިއޯއެކެވެ. މި ސްޓޫޑިއޯއިން މުބާރާތުގެ ޑިޒައިނިންގ މަސައްކަތްތައް ކުރިއަށް ގެންދާނެއެވެ.

ބްރަދާސް އެކަޑަމީގެ ފަރާތުން އިންތިޒާމުކޮށްގެން ބާއްވާ މި މުބާރާތުގެ މައިގަނޑު މަޤްޞަދަކީ ކުޑަހުވަދޫގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމެވެ. މީގެ އިތުރުން، އީދު ބަންދާއި ދިމާކޮށް ރަށުގެ ޒުވާނުންގެ މެދުގައި ގުޅުން ބަދަހިކޮށް، އެކުވެރި މާހައުލެއްގައި އީދުގެ އުފާ ހާސިލްކުރުމަށް މަގުފަހިކުރުމަކީވެސް މި މުބާރާތުގެ އަމާޒެކެވެ.