އީރާނުން ބަސްނާހައިފިނަމަ ހަމަލާދިނުން އަލުން ފަށާނަން: ޓްރަމްޕް
ލިޔުންތެރިޔާ
އަޙްމަދު އާހިލް ސަޢީދު
އީރާނުން ބަސްނާހައިފިނަމަ ނުވަތަ ގޯސް ކަމެއް ކޮށްފިނަމަ އަލުން އަސްކަރީ ހަމަލާތަކެއް ދިނުމުގެ ފުރުސަތު އެބައޮތް ކަމަށް އެމެރިކާގެ ރައީސް ޑޮނަލްޑް ޓްރަމްޕް ބުނެފިއެވެ.
އަލުން ހަނގުރާމައަކަށް ދިއުމުގެ ފުރުސަތު އޮތްތޯ ނޫސްވެރިން އިއްޔެ ސުވާލުކުރުމުން ޓްރަމްޕް ބުނީ އެއީ ވެދާނެ ކަމެއް ކަމަށާއި، ނަމަވެސް މިވަގުތު ކަންތައްތައް ވާގޮތް އޭނާ ބަލަމުން ގެންދާ ކަމަށެވެ.
ޓްރަމްޕް އިތުރަށް ފާހަގަކުރި ގޮތުގައި އީރާނާ ގުޅޭ ކަންކަމުގައި އެމެރިކާ އޮތީ ވަރަށް ކުރީގައެވެ. އެގޮތުން، އީރާނުގެ އިގްތިސާދާއި އެހެނިހެން ދާއިރާތައް "ފުނޑުފުނޑުވެފައިވާ" ކަމަށާއި، އެހެންކަމުން އެ ގައުމުން މިހާރު ބޭނުންވަނީ އެމެރިކާއާއެކު އެއްބަސްވުމަކަށް އަންނަން ކަމަށް ޓްރަމްޕް ވަނީ ބުނެފައެވެ.
އީރާނުގެ އެތެރޭގެ މަސްރަހާ ބެހޭގޮތުން ވާހަކަ ދައްކަމުން ޓްރަމްޕް ބުނީ، އަލީ ޚާމަނާއި އަވަހާރަވުމުން އެ ގައުމުގެ ލީޑަރަކީ ކާކުކަން އޮޅުން ފިލުވުމުގައި އީރާނަށް ދަތިތަކެއް ކުރިމަތިވެފައިވާ ކަމަށެވެ.
އީރާނުން ހުށަހަޅާފައިވާ 14 ނުކުތާގެ ޕްލޭނާ ގުޅޭގޮތުން ޓްރަމްޕް ބުނީ، އެ އެއްބަސްވުމުގައި ހިމެނޭ ތަފްސީލީ ލިޔުންތައް ނުވަތަ އިބާރާތްތައް ވަރަށް އަވަހަށް އޭނާއަށް ލިބޭނެ ކަމަށެވެ.
ޓްރަމްޕް ދަނީ އީރާނުގެ މިހާރުގެ ހާލަތަކީ އެމެރިކާއަށް ލިބިފައިވާ ކުރިއެރުމެއްގެ ގޮތުގައި ސިފަކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
