އާރްއޭސީއެލްގެ ލޯގޯ ޑިޒައިންކޮށްގެން 25،000ރ.

ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރްއޭސީއެލް) ގެ ލޯގޯ ފަރުމާކޮށްގެން 25،000ރ. ހޯދުމުގެ ފުރުސަތު ހުޅުވާލައިފި އެވެ.

އާރްއޭސީއެލް އިން ބުނީ ލޯގޯ ފަރުމާކޮށް ދޭން ޝައުގުވެރިވާ ފަރާތްރަކަށް ލޯގޯ ހުށަހެޅުމުގެ ފުރުސަތު މި މަހުގެ 9 އާ ހަމައަށް ހުޅުވާލައިފައިވާ ކަމަށެވެ.

ލޯގޯ ފަރުމާކުރާ އިރު، ގަދަ ޓާކޮއިޒް ކުލަ ބޭނުން ކުރުމަށާއި ދެވަނަ ކުލައެއްގެ ގޮތުން އެ ކުލައިގެ މަޑު ކުލައެއް ނުވަތަ ޝޭޑެއް ބޭނުން ކުރުމަށް އާރްއޭސީއެލްއިން ބުނެފައިވެއެވެ.

އަދި ލޯގޯ އިން އެއާލައިނެއް ރަމްޒުކޮށްދީގެން ނުވާނެ ކަމަށާއި ލޯގޯ އިން ރަމްޒުކޮށް ދޭން ޖެހޭނީ އެއާޕޯޓެއް ކަމަށްވެސް ބުންޏެވެ.

ލޯގޯގެ ވެކްޓާ ފައިލް ހުށަހަޅަން ޖެހެނީ މި މެއިލް [email protected] މެދުވެރިކޮށެވެ.