ވާދަވެރި ކުޅުމަކަށްފަހު ހަނިމާދޫ އާއި ފިނޭ ބައްދަލުކުރިމެޗް ހަނިމާދޫއަށް

"މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި ހަނިމާދޫ އާއި ފިނޭ ބައްދަލުކުރިމެޗް ހަނިމާދޫ ކާމިޔާބުކޮށްފިއެވެ.

މުރައިދޫގައި ކުޅުނު މިމެޗް ހަނިމާދޫއިން ކާމިޔާބުކުރީ ވަރަށް ވާދަވެރި ކުޅުމަކަށްފަހުއެވެ. އެއީ 3-2 ގެ ނަތީޖާއިންނެވެ. މެޗްގެ ފުރަތަމަ ސެޓް 21-25 ހުން ހަނިމާދޫ ގެންގޮސްފައިވަނިކޮށް ދެވަނަ ސެޓް ފިނޭއިން ވަނީ 25-17 އިން ގެންގޮސްފައެވެ. އަދި ދެވަނަ ސެޓްވެސް ވަނީ ހަމަ އެ ނަތީޖާއިން ގެންގޮސްފައެވެ.

މެޗްގެ ތިންވަނަ ސެޓް 19-25 ގެ ނަތީޖާއިން ހަނިމާދޫ ގެންދިޔައިރު، ފަހުސެޓް އެޓީމް ގެންގޮސްފައިވަނީ، 13-15 އިންނެވެ.

މިމެޗްގެ މޮޅު ކުޅުންތެރިޔާގެ މަގާމް ހޯދީ ހަނިމާދޫ ޓީމްގެ ޝުއައިބު އަހުމަދު ލަތީފެވެ. ހަނިމާދޫން އެންމެ ފަހުން ކުޅުނު މެޗްގެ މޮޅު ކުޅުންތެރިޔާގެ މަގާމްވެސް ހޯދީ އޭނާއެވެ.

މުބާރާތުގައި ދެން ހަނިމާދޫ ނިކުންނާނީ ވަށަފަރާ ދެކޮޅަށެވެ. ފިނޭ ނިކުންނާނީ ކެލަޔާ ދެކޮޅަށެވެ.