އިސްރާއީލުން ހުޅަނގު އައްސޭރިއަށް ހަމަލާދީ 3 މީހަން ޝަހީދުކޮށްލައިފި

ހައްދުފަހަނަ އަޅާފައިވާ އިސްރާއީލުން ހިފާފައިވާ  ފަލަސްތީނުގެ ހުޅަނގުގެ އައްސޭރީގައި ރޭ ދިން ވައިގެ ހަމަލާގައި 3 މީހަކު ޝަހީދުކޮށްލާފައިވާއިވާ ކަމަށް އަލް- ޖަޒީރާއިން ބުނެފިއެވެ.

މިހާރު ހައްދުފަނަ އަޅާފައިވާ އިސްރާއީލުން ހިފާފައިވާ ހުޅަނގުގެ އައްސޭރީގައި ހިންގަމުންދާ ގަތުލުއާންމަކީ 2000 ގެ އަހަރުތަކުގެ ކުރީކޮޅުގެ ފަހުން ފަލަސްތީނުގެ ސަރަހައްދުގައި އިސްރާއީލުން ހިންގި އެންމެ ބޮޑު އަސްކަރީ އޮޕަރޭޝަނެވެ.

މި ގަތުލުއާންމަށް ކުރިއަށއދާތާ މިއީ ތިން ވަނަ ހަފުތާ ކަމަށް މީޑިއާ ރިޕޯޓްތައް ވަނީ ބުނެފަ އެވެ.

ފަލަސްޠީނުގެ ވަފާ ނިއުސް އެޖެންސީން ބުނީ ބުދަ ދުވަހުގެ ރޭ ތުލްކަރޭމް ސިޓީގައި ވެހިކަލަކަށް ދިން ޑްރޯން ހަމަލާއެއްގައި ތިން މީހަކު ޝަހީދުކޮށްލާފައިވާކަމަށެވެ. އަދި ތޫބާސް ސިޓީ ކައިރީގައި އޮންނަ ފަރާ ރެފިއުޖީ ކޭމްޕްގައި އިޒްރޭލުގެ ސްނައިޕަރަކު ދިން ހަމަލާއެއްގައި އިތުރު މީހަކު ޝަހީދުކޮށްލާފައިވާކަމަށްވެސް ވަނީ ބުނެފައެވެ.

އިޒްރޭލުން ތުލްކަރޭމަށް ދިން ޑްރޯން ހަމަލާގައި ވެހިކަލުގެ އިތުރުން ކައިރީގައި ހުރި ގެއެއްގައި ވެސް އަލިފާން ރޯވެފައިވާ ކަމަށް ވަފާ ނިއުސް އިންވަނީ ބުނެފައެވެ އެވެ.

މީޑިއާތަކުގައި އާންމުކޮށްފައިވާ ފޮޓޯތަކުން ފެންނަގޮތުގައި މި ހަމަލާގައި ޝަހީދުކޮށލާފައިވާ 3 މީހުންވެސްވަނީ މީހާ ނޭންގޭވަރަށް އަންދާފައެވެ.

އަދި ފަރާގައި އިސްރާއީލުގެ ސްނައިޕަރު ދިން ހަމަލާގައި ޝަހީދުކޮށްލާފައި ވަނީ އުމުރުން 46 އަހަރުގެ ސުފްޔާން ޖަވާދު ފާއިޒް އަބްދުލް ޖަވާދުއެވެ.

އޭނާ ޝަހީދުކޮށްލާފައިވަނީ ހިތަށް ބަޑި ޖަހައިގެން ކަމަށް އެ އެޖެންސީން ވަނީ ބުނެފައެވެ.

އޮގަސްޓު މަހުގެ 28 ވަނަދުވަހުންފެށިގެން މިއަދާހަމައަށް 50 މީހުންވަނީ ހުޅަނގުގެ އައްސޭރީން ޝަހީދުކޮށްލާފައެވެ

މިދިޔަ އަހަރު އޮކްޓޯބަރު މަހުގެ 7 ވަނަ ދުވަހުން ފެށިގެން މިހާތަނަށް ހިފާފައިވާ ހުޅަންގުގެ އައްސޭރިން 702 މީހުން ވަނީ ޝަހީދުކޮށްލާފައެވެ. މީގެ ތެރޭގައި 100 އަށް ވުރެ ގިނަ ކުޑަކުދިން ހިމެނެއެވެ.

އަދި 5،700 އަށްވިރެ ގިނަ މީހުންވަނީ ޒަހަމަކޮށްލާފައެވެ.