2036 ގެ ކުރިން ހަނދުގައި ހަކަތަ އުފައްދާނަން: ރަޝިއާ
ރަޝިޔާގެ ޖައްވީ ކަންތައްތަކާބެހޭ ޤައުމީ އިދާރާ، ރޮސްކޮސްމޯސްއިން 2036 ވަނަ އަހަރުގެ ކުރިން އެ ޤައުމުން ހަނދުގައި ހަކަތަ އުފައްދާ މަރުކަޒެއް ޤާއިމްކުރާނެ ކަމަށް ބުނެފިއެވެ.
އެގޮތުން ރޮސްކޮސްމޯސްއިން ދަނީ ކުރިއަށް އޮތް ދިހަ އަހަރުގެ ތެރޭގައި ހަނދުގައި ނިއުކްލިޔަރ މަރުކަޒެއް ޤާއިމްކުރުމުގެ ތައްޔާރީތައް ވަމުންނެވެ. ރަޝިއާގެ މީޑިއާތަކުން ބުނީ 2030 ގެ މެދުތެރެއިން ހަނދުގައި ނިއުކްލިއާ ޕަވާ ޕްލާންޓެއް އުޅުމުގެ މަސައްކަތް ޗައިނާއާ ގުޅިގެން މިހާރު ކުރިއަށްދާކަމަށެވެ.
މި ޕްލާންޓުގެ ބޭނުމަކީ ހަނދުގައި ހިންގުމަށް ރާވާފައިވާ މަޝްރޫޢުއާއި ޗައިނާއާ ގުޅިގެން ޤާއިމް ކުރާ ބައިނަލްއަޤްވާމީ ރިސަރޗް މަރުކަޒުގެ ބޭނުމަށް އަދި އެގައުމުން ހިންގާ ޖައްވީ އޮޕަރޭޝަންތަކުގައި ބޭނުންކުރާނެ ހަކަތަ އުފެއްދުމެވެ.
ރަޝިޔާއަކީ ޖައްވީ ހޯދުންތަކުގެ ދާއިރާގައި އިންތިހާއަށް ކުރިއަރަމުން ދިޔަ ޤައުމެކެވެ. އެގޮތުން 1961 ވަނަ އަހަރު ކުރީގެ ސޯވިއެޓު ޔޫނިއަންގެ ފަރާތުން، ރަޝިއާއަށް ނިސްބަތްވާ ޔޫރީ ގަގާރިން ފުރަތަމަ ފަހަރަށް ވަނީ ހަނދަށް ވެސް ގޮސްފައެވެ.
ނަމަވެސް ފަހުގެ އަހަރުތަކުގައި އެމެރިކާއާއި ޗައިނާއިން ދަނީ ރަޝިޔާގެ މައްޗަށް އެ ދާއިރާއިން ކުރި ހޯދަމުންނެވެ. މި ވާދަވެރިކަން އިތުރުވުމުގެ ސަބަބުން ރަޝިޔާއިން މިހާރު މަސައްކަތް ކުރަމުންދަނީ އެ ދާއިރާއިން އަނެއްކާ ވެސް ކުރި ހޯދުމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
