ބޯލްޓް އަދި ޝޫޓާރސް ދެވަނަ މެޗުން މޮޅުވިއިރު، ޕަވާ ޕަފްސް ފެށުން ރަނގަޅެއް ނުވި

މިހާރު ކުރިއަށްދަ "މައިލޯ ރަމަޒާން ހާފުކޯޓް ނެޓްބޯޅަ ޗެލެންޖް 2025" ގައި ހުކުރު ދުވަހުގެ ރޭ ކުޅުނު މެޗުތަކުން ދަބޯލްޓް އަދި އެޓޭކާސް މަޮޅުވިއިރު، މުބާރާތުގައި ޕަވާ ޕަފްސް ކުޅުނު ފުރަތަމަ މެޗުން އެޓީމު ބަލިވެއްޖެއެވެ.

މުބާރާތުގައި ރޭ ވެސް އަށް މެޗު ކުޅުނުއިރު، ޖޫނިއަރ ޑިވިޝަންގެ ދަބޯލްޓް އާއި ޕަވާ ޕަފްސް ވާދަކުރި މެޗު 4-7 ގެ ނަތީޖާއަކުން ކާމިޔާބުކޮށް ދަބޯލްޓް އިން މުބާރާތުގެ ފުރަތަަމަ މޮޅު ހޯދިއިރު، މުބާރާތުގައި ޝޫޓާސް ކުޅުނު ދެވަނަ މެޗުގައި އެޓީމުން ވަނީ 5-3 ގެ ނަތީޖާއަކުން އެޓޭކާސް ބަލިކޮށްފައެވެ

މުބާރާތުގެ ސީނިއަރ ޑިވިޝަންގައި ރޭ ފައިޓާރސް އާއި ނިންޖާސް ވާދަކުރި މެޗު 6-5 ގެ ނަތީޖާއަކުން ނިންްޖާސް ކާމިޔާބުކުރުއިރު، ސްވިފްޓް ސްޓާރސް އާއި ވޯރިއާސް ވާދަކުރި މެޗު ފަސޭހަކަމާއެކު 2-13 ގެ ނަތީޖާއަކުން ކާމިޔާބުކުރީ ސްވިފްޓް ސްޓާރސް އެވެ.

މުބާރާތުގެ އޯޕަން ކެޓަގެރީގައި ރޭ ވެސް ހަތަރު މެޗު ކުޅެފައިވާއިރު، ފުރަތަމަ މެޗުގައި ނެޓާސް އާއި ކުއީންސް ވާދަކުރި މެޗު 14-9 ގެ ނަތީޖާއަކުން ކުއީންސް ކާމިޔާބުކުރިއިރު، ދެވަނަ މެޗުގައި ޑްރަގަންސް އާއި ފާސްޓް ފައިވް ވާދަކުރި މެޗު 14-22 ގެ ނަތީޖާއަކުން ކާމިޔާބުކުރީ ޑްރަގަންސް އެވެ. އަދި ޑީއެޗްއޭއެޗް އެސްސީ އާއި ލޮރެންސޯ ވާދަކުރި މެޗު 10-9 ގެ ނަތީޖައަކުން ޑީއެޗްއޭއެޗް އެސްސީ ކާމިޔާބުކުރިއިރު، މުބާރާތުގައި ނެޓް އެޓޭކާސް ކުޅުނު ތިންވަނަ މެޗުގައި ނެޓާސް އާއި ވާދަކޮށް 21-2 ގެ ތަފާތުބޮޑު ނަތީޖާއަކުން މޮޅުވެ ނެޓް އެޓޭކާސް އިން ވަނީ ލީގު ތާވަލުގެ އެއްވަނައަށް ކުރިއަށް ޖެހިލާފައެވެ.

13 މާރިޗު 2025 އިން 19 މާރިޗު 2025 ގެ ނިޔަލަށް ކުރިއަށްދާ މިމުބާރާތުގައި ތިން ކެޓަގަރީއަކުން ޖުމްލަ 17 ޓީމަކުން ބައިވެރިވެފައިވާއިރު، އޭގެތެރޭގައި ހިމެނެނީ ޖޫނިއާ ފަސް ޓީމައި ސީނިއަރ ފަސް ޓީމުގެ އިތުރުން އޯޕަން ކެޓަގެރީގައި ވާދަކުރާ ހަތް ޓީމެވެ....

މުބާރާތުގެ ތިން ކެޓަގެރީގެ މެޗުތައް ވެސް ކުރިއަށް ގެންދިއުމަށް ހަމަޖެހިފައި ވަނީ ލީގު އުސޫލުންނެވެ. އެގޮތުން ޖުނިއާރ އަދި ސީނިއަރ ކެޓަގެރީގެ ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ގިނަ ޕޮއިންޓް ހޯދާ ދެޓީމު ފައިނަލަށް ހޮވޭއިރު، އޯޕަން ކެޓަގެރީގެ ކޮންމެ ޓީމެއް ކޮންމެ ޓީމަކާއި އެއްމެޗު ކުޅުމަށްފަހު ލީގުބުރުގެ ގަދަ ހަތަރު ޓީމުގެ މެދުގައި ސެމީފައިނަލް ދެމެޗު ކުޅުމަށް ވަނީ ހަމަޖެހިފައެވެ.