ވަށަފަރާއި މުރައިދޫ ބައްދަލުކުރިމެޗް ވަށަފަރަށް
ހއ.މުރައިދޫގައި މިހާރު ކުރިއަށްދާ "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތް 2026" ގައި މުރައިދޫ ކުޅުނު ދެވަނަ މެޗުންވެސް އެޓީމް ބަލިވެއްޖެއެވެ.
މިއަދު ވަށަފަރާ ދެކޮޅަށް މުރައިދޫ ނިކުތްއިރުވެސް އެޓީމަށް އޮތް ނުތަނަވަސްކަމަކީ އެންމެފަހުން ފިނޭ އާ ދެކޮޅަށް ކުޅުނުމެޗުން ބަލިވި ބަލިވުމެވެ. މިއަދު މުރައިދޫ އާއި ވަށަފަރު ބައްދަލުކުރިމެޗް، ވަށަފަރު ގެންދިޔައީ ސީދާ ތިން ސެޓުންނެވެ.
މެޗްގެ ސެޓްތައް ވަށަފަރުން ގެންގޮސްފައިވަނީ ފުރަތަމަ ސެޓް 23-25، ދެވަނަ ސެޓް 15-25 އަދި ތިންވަނަ ސެޓް 17-25 އިންނެވެ. މިމެޗްގެ މޮޅު ކުޅުންތެރިޔާގެ މަގާމް ހޯދާފައިވަނީ، ވަށަފަރު ޓީމްގެ ޖޯޒީ ނަމްބަރު 9 ސަމްރޫހް މުހައްމަދެވެ.
މުބާރާތުގައި ދެން މުރައިދޫ ނިކުންނާނީ އަންގާރަ ދުވަހު ކެލައާ ދެކޮޅަށެވެ. އަދި ވަށަފަރު ނިކުންނާނީ ހަމަ އެދުވަހު ފިނޭއާ ދެކޮޅަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
