ކުޅުދުއްފުއްޓާއި ދިއްދޫ ބައްދަލުކުރި ފޯރިގަދަ މެޗް ކުޅުދުއްފުއްޓަށް

"މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި ރޭ ކުޅުދުއްފުއްޓާއި ދިއްދޫ ބައްދަލުކުރިމެޗް ކުޅުދުއްފުށި ކާމިޔާބުކޮށްފިއެވެ.

ދިއްދޫ އާ ދެކޮޅަށް ކުޅުނު މިމެޗް ކުޅުދުއްފުށި ކާމިޔާބުކުރީ ސީދާ ތިންސެޓުންނެވެ. މެޗްގެ ސެޓްތައް ކުޅުދުއްފުށި ގެންގޮސްފައިވަނީ، ފުރަތަމަ ސެޓް 25-11 އަދި ފަހު ދެ ސެޓް 25-18 އިންނެވެ. މި މުބާރާތުގައި ކުޅުދުއްފުށި ވަނީ އެޓީމް ކުޅުނު ފުރަތަމަ މެޗްވެސް ކާމިޔާބުކޮށްފައެވެ.

މި މެޗްގެ މޮޅު ކުޅުންތެރިޔާގެ މަގާމް ހޯދީ ކުޅުދުއްފުށި ޓީމްގެ އަލީ ވަހީދެވެ.

މުބާރާތުގައި މިއަދު ހަވީރު ބައްދަލުކުރާނީ ވަށަފަރާއި ފިނޭ އެވެ. އަދި މިރޭ ބައްދަލުކުރާނީ ކެލާ އަދި މުބާރާތް ބާއްވާ މުރައިދޫ އެވެ. ކުޅުދުއްފުށި ދެން ނިކުންނާނީ މާދަމާ ރޭ ފިއްލަދޫ އާ ދެކޮޅަށެވެ. އަދި ދިއްދޫ ނިކުންނާނީ ނޮޅިވަރަމާ ދެކޮޅަށެވެ.