ޣައްޒާގެ އަލް އަޤްޞާ ހޮސްޕިޓަލުންގައި ތިބި މީހުން ނުކުތުމަށް އިސްރާއީލުން އަންގައިފި!

މިދިޔަ އާދިއްތަދުވަހުގެ ރޭ ހައްދުފަހަނަ އަޅާފައިވާ އިސްރާއީލިން އެތައް ލައްކަ ގެދޮރު ގެއްލިފައިވާ މީހުން ހިޔާވަހިކަން ހޯދަމިންދާ ދީރް އަލް ބާލާގެ މައި މެޑިކަލް ފެސިލިޓީ ކަމަށްވާ އަލް ޝަހީދު އަޤްޞާ ހޮސްޕިޓަލުން ނުކުތުމަށް އަމުރުނެރެފައިވާކަމަށް އަލް-ޖަޒީރާއިން ބުނެފިއެވެ.

ހައްދުފަހަނަ އަޅާފައިވާ އިސްރާއިލުން ބުނެފައިވާގޮތުން އެތަނުން ނުކުތިމަށް އަމުރުކުރީ ދީރް އަލް-ބަލާޙްގައި ހަރަކާތްތެރިވާ ޣައްޒާ މިނިވަން ކުރުމަށް ޖިހާދުކުރަމިންދާ އަލް-ޤައްސާމް ބްރިގޭޑާއި އަލް - ޤުދުސް ބްރިގޭޑްސްގެ އިތުރުން އެހެން ޣައްޒާގައި ޖިހާދުކުރަމުންދާ ބުރިގޭޑްތަކަށް ހަމަލާދިނުމުގެ ގޮތުންކަމަށެވެ.

ފާއިތުވި ދުވަސްތަކުގައި އިސްރާއީލުން ޣައްޒާގެ އެކި ސަރަހައްދުތަކުން މީހުން ހުސްކުރުމުގެ ގިނަ އަމުރުތަކެއް ނެރެފައިވާއިރު، މިއީ 10 މަސް ދުވަހުގެ ހަނގުރާމަ ފެށުނު ފަހުން އެންމެ ގިނަ ޢަދަދެއްގެ މީހުން ނިކުތުމަށް އަމުރުތައް ނެރެފައިވާފަހަރުކަމަށްވެސްވަނީ ބުނެފައެވެ.

އަދި ޣައްޒާގައި ރައްކާތެރި ސަރަޙައްދުތައް އދ ގެ ރިލީފް އޮފިޝަލުން ދަނީ ނުރުހުން ފާޅުކުރަމުންދާކަމަށްވެސް މީޑިއާ ރިޕޯޓުތަކުން ބުނެއެވެ.

ދީރް އަލް ބަލާހޤ މުނިސިޕަލްޓީން ބުނީ އިޒްރޭލުން ދީރް އަލް ބަލާޙް އިން ނުކުތިމަށް އަމުރުތަކުގެ ސަބަބުން މިހާތަނަށް 250،000 މީހުން ގެދޮރު ގެއްލިފައިވާ ކަމަށެވެ.

މިއަދު ހެނދުނުން ފެށިގެން މިހާތަނަށް 14 މީހުންނަށްވެރެ ގިނަ މީހުްނ ޝަހީދުކޮށްލާފައިވާއިރު ދެންމެ ސިޓީއަށް ދިން ހަމަލާގައިވަނީ 7 މީހުން ޝަހީދުވެ އެތައްބައެއް ޒަހަމަވެފައެވެ.