މިދިޔަ 24 ގަޑިއިރުގެ ތެރޭގައި ޣައްޒާގެ 31 މީހުން ޝަހީދުކޮށްލައިފި!

ހައްދުފަހަނަ އަޅާފައިވާ އިޒްރޭލުން ދިން ނިރުބަވެރި ހަމަލާތަކުގައި މިދިޔަ 24 ގަޑިއިރުގެ ތެރޭގައި ޣައްޒާއިން 31 މީހުން ޝަހީދުކޮށްލާފައިވާކަމަށް ޣައްޒާގެ ހެލްތް މިނިސްޓްރީއިން ބުނެފިއެވެ.

މިއަދު ހެނދުނު ޣައްޒާގެ އުތުރުގައި އޮންނަ ޖަބަލިއާ ކޭންޕްގެ ގެއަކަށް ނިރުބަވެރި ދިން ހަމަލާގައި ވަނީ 5 މީހުން ޝަހީދުކޮށްލާފައެވެ.

މީގެ ތެރޭގައި 2 ކުޑަކުދިން ހިމެނޭކަމަށް ޣައްޒާގެ ސިވިލް ޑިފެންސް އިން ވަނީ ބުނެފައެވެ.

އަދި މީގެ އިތުރުން މި ހަމަލާގައި ޣައްޒާގެ އުތުރުގެ ސިވިލް ޑިފެންސުގެ ޑެޕިއުޓީ ޑިރެކްޓާރ ވެސް ވަނީ ޝަހީފުކޮށްލާފައެވެ.

މިދިޔަ އަހަރު އޮކްޓޯބަރުމަހު 7 ވަނަ ދުވަހުން ފެށިގެން  މިހާތަނަށް 83 ސިވިލް ޑިފެންސްގައި މަސައްކަތްކުރާމީހުން ވަނީ ޝަހީފުކޮށްލާފައެވެ. އަދި 200 އަށްވިރެ ގިނަ ސިވިލް ޑިފެންސުގައި މަސައްކަތްކުތާ މީހުންވަނީ ޒަހަމްކޮށްލާފައެވެ.

ހައްދުފަހަނަ އަޅާފައިވާ އިޒްރޭލުން ޣައްޒާއަށް ދެމުންދާ ހަމަލާތަކުގައި މިހާތަނަށް 40,939 އަށްވުރެގިނަ މީހުން ވަނީ ޝަހީދުކޮށްލާފައެވެ. އަދި 94,616 މީހުންނަށް ވަނީ ޒަހަމްކޮށްލާފައެވެ.